PRESENTAN O "MANIFESTO A FAVOR DUN PROCESO CONSTITUÍNTE POLA TERCEIRA REPÚBLICA"
Rosa Regàs, Luis García Montero, José Manuel Martín Medem, Julio Anguita ou Marga Sanz entre os primeiros asinantes
A "Rede de Municipios e cargos públicos pola III República" presentou o Manifesto a favor dun Proceso Constituínte, entre cuxas primeiras firmas aparecen nomes destacados de escritores como Rosa Regàs ou Luis García Montero, xornalistas como José Manuel Martín Medem, ademais de políticos como Julio Anguita, Francisco Frutos, Felipe Alcaraz ou os posibles candidatos de IU á Presidencia, Marga Sanz e Gaspar Llamazares, así como deputados e diversos cargos públicos. O Manifesto pretende sumar "ao mundo cadémico, de Universidade, cultural, científico, xornalístico, sindical… e aos cidadáns e cidadás en xeral".
"Atopámonos nun momento crucial na historia de España. Unha nova xeración, á que non lle tocou asinar unha amnesia que dura xa tres décadas, empeza a recuperar a memoria e a expoñer o que entón non estaba permitido", sinala o Manifesto, que asegura que "o cuestionamiento dunha institución imposta polo franquismo faise cada vez máis forte, a pesar de que novas leis gobernamentais e novas decisións xudiciais intenten defender o que cada vez é máis indefendible".
Para os asinantes, "a República cobra actualidade e abandona pouco a pouco o recuncho das utopías para converterse nunha posibilidade cada vez máis real", asegurando que "os poderes fácticos consideran a República como un probable escenario a medio prazo, e sen dúbida apostarán por esta na medida que lle permita manter os seus privilexios", polo que consideran "imprescindible que a cidadanía asuma o protagonismo na loita pola República e lidere un movemento de rexeneración política e social".
"Manifestámonos, polo tanto, a favor de todas as iniciativas políticas e cidadás de carácter pacifico e democrático a favor da República, mostrando o noso apoio aos Concellos e cargos públicos que a partir do 26 de Xullo de 2007 veñen sumándose, a través dos seus plenos municipais, á esixencia dun Proceso Constituínte, e chamamos aos representantes políticos, ao mundo académico, científico, da Universidade, xornalístico, cultural, sindical… e a todos os cidadáns e cidadás en xeral, a facer súa devandita esixencia. Facemos un chamamento á defensa da intelixencia e convocamos ao pobo español á defensa duns valores que nos permitirán construír un país máis libre, máis fraternal, máis xusto e máis democrático, que abrirá as portas a todas as posibilidades creadoras no porvir", finaliza o texto.
Para adherirse ao Manifesto:
No hay comentarios:
Publicar un comentario