lunes, 1 de marzo de 2010

EU PARTICIPARÁ NA MANIFESTACIÓN QUE SE DESENVOLVERÁ MAÑÁ EN CONTRA DO “PENSIONAZO”


ESQUERDA UNIDA CONSIDERA QUE O GOBERNO ESTÁ A COMETER UNHA ENORME INXUSTIZA COA REFORMA DAS PENSIÓNS


ESQUERDA UNIDA DENUNCIA QUE O GOBERNO UTILIZA UNHA ARGUMENTACIÓN FALAZ PARA DEFENDER A REFORMA DAS PENSIÓNS

Para Esquerda Unida a reforma das pensións que está a promover o Goberno representa a maior agresión ao Estado social nos últimos anos ao supoñer unha redución da pensión vitalicia do 10%. A dita reforma ven a demostrar que o Goberno do PSOE consolida o seu xiro a dereita asumindo as vellas receitas neoliberais de reducir os dereitos dos traballadores e traballadoras para saír dunha crise provocada pola avaricia do capital.

A esquerda non pode aceptar que o Goberno meta a man nos petos dos pensionistas, 6.600 euros anuais de media menos por pensionista, para tranquilizar aos mercados financeiros, os auténticos culpables desta crise.

Nembargantes o máis grave é que a reforma é innecesaria, xa que o Sistema Público de Pensións é forte e está consolidado. No ano 2009, en plena crise, tivo un superávit de 8.500 millóns de euros.

Esquerda Unida denuncia que os argumentos esgrimidos polo Executivo son alarmistas e carecen de rigor, así o Goberno do PSOE adianta previsións demográficas completamente carentes de rigor e baséase no número de mozos e adultos “estimados” por xubilado, cando o dato importante é o número de cotizantes e o importe de cotización de cada un deles.

Esquerda Unida loitará tanto na rúa como nas institucións por que non se aumente a idade de xubilación por enriba dos 65 anos, non se incremente o período do cómputo para calcular a pensión máis alá dos 15 anos e as pensións se revaloricen ao menos o mesmo que aumenten os prezos (IPC) e máis aínda para as pensións máis baixas.

Desde EU facemos un chamamento a cidadanía a mobilizarse na defensa do sistema público de pensións e pular, xunto a nos, na procura dunha saída social e anticapitalista da crise. Por iso participaremos nas mobilizacións convocadas por CCOO e UGT en Lugo as 19:30h. dende o Edificio dos Sindicatos ata a Subdelegación do Goberno

NON AO PENSIONAZO!

MOBILIZATE, QUE NON CHE FAGAN PAGAR A CRISE!

No hay comentarios:

Publicar un comentario