ESQUERDA UNIDA LUGO

CAYO LARA ADVIRTE A RAJOY QUE A AMNISTÍA FISCAL QUE PREPARA É "INXUSTA, INÚTIL, INCONSTITUCIONAL E INCREMENTA A FRAUDE"

Mércores, 11 de abril de 2012

Intervención íntegra de Cayo Lara na súa pregunta ao presidente do Goberno, Mariano Rajoy, durante a sesión de control ao Goberno

Señor Rajoy, considera o Goberno que a amnistía fiscal é o mellor xeito de loitar contra a fraude?

Somos conscientes da situación de gravidade que ten o noso país. Por iso vén hoxe a pregunta e por iso, ademais, entendemos que esta non é o xeito de combater a situación de déficit que temos.

Cando o anterior Goberno propuxo unha amnistía fiscal, desde o Partido Popular fixeron dúas declaracións especiais. Unha fíxoa vostede, señor Rajoy, e dixo literalmente que ‘os que xa pagan van pagar máis e aos que non pagan váiselles a perdoar o que non pagaron'. Iso era en oposición á medida que se intentaba adoptar. A señora De Cospedal dixo, literalmente ‘É tan inxusto, tan antisocial, que aos que pagan impostos sóbenselles e aos que non pagan se lles amnistía ou se lles perdoa'.

Hoxe, como onte, señor Rajoy, a amnistía fiscal a ricos segue sendo inxusta, inútil, inconstitucional e, ademais, incrementará a fraude. É inxusta porque premia aos grandes defraudadores. É inútil porque a recuperación do defraudado, segundo as contas do Goberno, é cicatera. É inconstitucional porque vulnera o espírito e a letra do artigo 31 da Constitución española no que ten que ver coa progresividad do pago dos impostos, e vostede xurou cumprir e facer cumprir a Constitución española. É un efecto chamada á insumisión fiscal, a non pagar, aos que si pagan todos os impostos con regularidade. A amnistía fiscal permite que nos sigan roubando a todos con impunidade.

Señor Rajoy, o problema da fraude non se resolve recortando recursos á Axencia Tributaria, como no orzamento deste ano, de xeito continuado e premiando aos defraudadores.

Propóñolle, por iso, un plan serio: que aumente os recursos e o persoal da Axencia Tributaria e reforme a súa metodoloxía, organización e distribución do traballo; que se persiga a fraude con igual tesón co que estafan os defraudadores; que modifique o paraíso fiscal das Sicav; que limite a 1.000 euros os pagos en efectivo; que estableza un imposto ás transacciones financeiras; que poña un imposto ás grandes fortunas; que firme un acordo cos paraísos fiscais, como fixo Alemania, e propoña na zona euro suprimir os billetes de 500; e  cando anuncie recortes de 10.000 millóns, fágao en sé parlamentaria. Moitas grazas.