Cementos Cosmos

ESQUERDA UNIDA ASISTIU A MANIFESTACIÓN CONVOCADA EN SARRIA, EN APOIO DOS POSTOS DE TRABALLO DE CEMENTOS COSMOS

Ramón Vázquez, deputado de AGE, manterá a vindeira semana unha xuntanza co comité de empresa da cementeira de Oural

Membros de EU-Lugo, xunto co deputado de Alternativa Galega de Esquerda, Ramón Vazquez, asistiron este sábado a manifestación convocada en Sarria contra o peche de cementos Cosmos.

Miles de persoas, que contaron coa poio dos comercios da localidade que pecharon durante hora e media os seus establecementos, marcharon polas rúas de Sarria na defensa dos 97 postos de traballo da fábrica e dos centos de empregos indirectos que dependen da mesma.

Neste sentido, Ramón Vazquez, manterá unha xuntanza nos próximos días, cos membros do Comité de Empresade cementos Cosmos, de cara concretar as actuacións dirixidas a esixir a mediación do Goberno da Xunta e buscar saídas á única cementeira de Galicia, unha empresa viable e con mercado.