ERE en paradores de turismo

ESQUERDA UNIDA PARTICIPOU NAS CONCENTRACIÓNS EN DEFENSA DOS POSTOS DE TRABALLO DOS PARADORES DE TURISMO DE MONFORTE E VILALBA

 Mobilización sos/das traballadores do Parador de Turismo de Monforte

Carlos Portomeñe coordinador de Esquerda Unida-Lugo e Ramón Vázquez membro do consello comarcal e deputado de Alternativa Galega de Esquerda, asistiron as concentracións convocadas os días 7 e 8 de decembro nos Paradores de Turismo de Monforte e Vilalba.

As mobilizacións foron convocadas na defensa dos postos de traballo e contra o ERE que a empresa, Paradores do Estado, ten previsto aplicar nos establecementos de todo o pais. O ERE anunciado inclúe despedimentos , peche de instalacións e reduccións horarias como o caso de Monforte e Vilalba, no que se pretende pechar o parador durante 5 meses ao ano.

As xornadas de protesta se enmarcan dentro do calendario de mobilizacións previsto en toda a rede de Paradores do Estado, que inclúe dúas xornadas de folga e concentracións nos centros de traballo en todo pais.

Esquerda Unida defende a viabilidade dos Paradores e o seu caracter público, considerando o ERE, unha manobra mais para a privatización de todos os bens públicos do Estado.