Xuntanza de EU en Vilalba

ESQUERDA UNIDA CELEBRA UNHA XUNTANZA DE TRABALLO EN VILALBA CON AFILIACIÓN E SIMPATIZANTES

Membros do consello comarcal de Esquerda Unida de Lugo , mantiveron o pasado sábado, unha xuntanza entre afiliad@s e simpatizantes de Esquerda Unida en Vilalba co fin de impulsar un colectivo de traballo estable na capital da Terra Chá.
Asistiron a esta xuntanza tamén, Moncho Vázquez e Xabier Ron, membros de Esquerda Unida e Deputados por AGE no Parlamento Galego.

Os asistentes a esta reunión de traballo, propuxeron as principais liñas de acción política de EU na comarca, analizaron os principais retos organizativos da formación e remataron a xornada acudindo a manifestación convocada polos traballadores do Parador de Turismo da localidade, en defensa dos empregos e da viabilidade dunha Empresa Pública vital para o sector na comarca.