EU sobre as axudas institucionais a clubes profesionais

Parte das subvencións da Deputación de Lugo

ESQUERDA UNIDA CONSIDERA UNHA INMORALIDADE QUE A DEPUTACIÓN E O CONCELLO DE LUGO ADIQUEN PRETO DE 3 MILLONS DE EUROS A CLUBES DEPORTIVOS PROFESIONAIS NUN CONTEXTO DE CRISE COMO O ACTUAL

EU presentará mocións nas dúas institucións e no congreso dos Deputados para que as forzas políticas axilicen o cambio normativo anunciado ou se realice unha moratoria a través da Comisión Mixta Transformadora en SAD

Esquerda Unida Lugo considera que o Clube Deportivo Lugo fixo méritos deportivos e de xestión suficientes como para ser un clube de 2º división, pero esta circunstancia non pode suceder a calquera prezo.

Ramón Vázquez, sinalou que “resulta unha inmoralidade social que se anuncien importantes axudas o Clube Deportivo Lugo, cando ademais xa se están dando importantes cantidades de recursos públicos cada ano os clubes profesionais da Cidade”. Unha inmoralidade social que, segundo Vázquez, “sucede mentres milleiros de lucenses teñen dificultade para acceder a unha vivenda ou a perden con motivo dos desafiuzamentos, pasan fame ou necesidade que os obriga a acudir o banco de alimentos ou se lles di que non hai recursos para recuperar os seus aforros estafados polas preferentes”.

Vázquez proporcionou as cifras das subvencións aportadas polas institucións lucenses ao CB Breogán e ó CD Lugo. No caso concreto da Deputación de Lugo, os orzamentos de 2013 da institución contemplan 275.000 euros en subvencións para gastos de tempada do Clube Deportivo Lugo e 625.000 euros polo mesmo concepto para o Clube Baloncesto Breogán. Se a estas cifras engadimos os 900.000 euros previstos para a compra de accións do C.D Lugo, as axudas públicas ofrecidas pola Deputación de Lugo alcanzarían a cantidade de 1.800.000 euros.

A esta cantidade hai que engadir os 600.000 euros de axuda anunciada polo Concello de Lugo en concepto de compra de accións do Clube Deportivo Lugo que, tendo tendo en conta as axudas declaradas e o custe de mantemento das instalacións deportivas, daría como resultado que as institución lucenses adican preto de 3.000.000 de euros ós dous clubes profesionais da cidade.

Ramón Vázquez engadiu que “todo isto sucede ademais, nun contexto en que o Concello de Lugo fixo importantes recortes nos orzamentos deste ano no fomento do deporte (-9.000 euros) e en apartados vitais para a poboación como as axudas a persoas dependentes (-58.019 ), a saúde (-7000 euros), acción social (-100.969 euros), educación preescolar e primaria (-19.969 euros), cultura (-82. 982 euros) e vivenda (-138.000 euros)”.

COMPARATIVA ORZAMENTOS CONCELLO DE LUGO 2012/2013
	2012	2013	DIFERENZA
FOMENTO DO DEPORTE	2.130.200	2.121.000	-9.000
PERSOAS DEPENDENTES	3.773.678	3.715.659	-58.019
ACCIÓNS PUBLICAS RELATIVAS Á SAÚDE	93.016	86.016	-7.000
ACCIÓN SOCIAL	1.714.048	1.613.079	-100.969
EDUCACIÓN PREESCOLAR E PRIMARIA	1.070.812	1.090.781	-19.969
CULTURA	1.100.469	1.017.487	-82.982
VIVENDA	672.800	800.000	-138.000

Os clubes de fútbol profesionais endebedan á Axencia Tributaria, 752 millóns de euros dos que 184 millóns se corresponden precisamente cos clubes de segunda división. A normativa vixente e as axudas públicas, non fan outra cousa que empeorar a situación, polo que mesmo a Comisión Europea ten anunciado xa o inicio de medidas dirixidas a obrigar a devolver as axudas públicas concedidas o que podería implicar a desaparición de moitos clubes profesionais, incluídos os Lucenses.

“Dende Esquerda Unida Lugo consideramos importante que o Clube Deportivo Lugo manteña a categoría e se exploren todas as vías para acadalo, pero entemos que non se teñen esgotado todas as vías para acadalo”, sinalou Carlos Portomeñe.

Portomeñe manifestou que “resulta evidente que a primeira vía para manter a categoría consiste en cumprir cos requisitos establecidos para converterse en Sociedade Anónima Deportiva (SAD) e que polo tanto se consigan vender as accións necesarias entre aquelas persoas e os siareiros interesados”. “Pero tamén é evidente”, sinalou, que urxe un cambio normativa a Lei 10/1990 e o RD 1251/1999 que establece uns requisitos inasumibles para clubes saneados e humildes como o Clube Deportivo Lugo e o propio Clube deportivo Mirandés tamén afectado”.

EU propón que se inste de xeito urxente á Comisión Mixta para a Transformación en SAD, dependente do Consello Superior de Deportes, para que estableza unha moratoria no cumprimento dos requisitos establecidos, toda vez que existe un amplo consenso e mesmo o anuncio dun cambio na Lei para tal fin.

Neste sentido e como medidas alternativas, Esquerda Unida propón a todas as forzas políticas (PP, PSOE e BNG), para que insten ao Congreso dos Deputados a realizar as modificacións oportunas da Lei 10/1990, de xeito que esta non cumpra o cometido contrario para o que en teoría foi establecida, deixando de obrigar na práctica a que as institucións públicas acudan en socorro dos clubes, concedendo axudas irrecuperables e asumindo cada vez maiores débedas.

Vázquez e Portomeñe anunciaron que EU presentará mocións no Concello e na Deputación, para que as forzas políticas con representación se sumen ás iniciativas parlamentares que está organización ten previsto presentar no Congreso dos Deputados e atopar unha solución a unha cuestión na que existe un amplo consenso e acordo.