Drones en Rozas

EU SOLICITOU A COMPARECENCIA DO MINISTRO DE DEFENSA PARA INFORMAR SOBRE O USO MILITAR DO AERÓDROMO DE ROZAS

Forma parte das distintas iniciativas realizadas no Congreso dos Deputados e no Parlamento de Galicia

UAV Atlante da empresa Cassidian durante unha das probas en Rozas

Esquerda Unida denunciou no seu día a sinatura dun convenio entre o INTA (Instituto Nacional de Tecnoloxía Aeronáutica) dependente do Ministerio de Defensa, a Deputación Provincial de Lugo, o Concello de Castro de Rei e o Real Aeroclube de Rozas, para a realización de probas con avións non tripulados no aeródromo Lucense.

De feito, a empresa transnacional EADS, a través da súa división aeronáutica CASSIDIAN, leva dende o ano 2011 realizando probas dentro do proxecto ATLANTE, co dron do mesmo nome, nas instalación de Rozas.

O modelo Atlante trátase dun dron concebido para usos militares, de 8 metros de emvergadura, autonomia de 10-20 horas e unha capacidade de carga de 100 KG, que o propia fabricante define como “o primeiro avión non tripulado táctico capaz de realizar misións civís e militares...”

O pasado 12 de Xullo o Conselleiro de Industria, Francisco Conde, participou nun foro organizado polo Consorcio Galego de Aeronáutica onde confirmou o apoio do Goberno Galego á industria dos drons que enmarcou dentro da Estratexia de Especialización Intelixente (RIS3) para o que o aeródromo de Rozas ofrecía “ unhas excelentes oportunidades”.

Recentemente o INTA nomeaou persoal do exército con destiño no aeródromo de Rozas á vez que se anuncia o desmantelamento de outras instalacións do Ministerio de Defensa na cidade.

Esquerda Unida presentou unha iniciativa no Parlamento de Galicia na que instou o Goberno Galego a demandar a paralización das probas en Rozas namentres non se aporte información a cidadanía do contido do proxecto ATLANTE e dos plans que Ministerio de Defensa ten previstos para o aeródromo de Rozas.

Por outra banda, a través do portavoz de Izquierda Unida no Congreso, José Luis Centella, EU Lugo presentou a solicitude de comparecencia do Ministro de Defensa, Morenés, para que informe sobre a cesión do aeródromo de Rozas ubicado en Castro de Rei ao Instituto Nacional de Técnica Aeronáutica (INTA) e o seu futuro uso.

Ademais, Esquerda Unida presentou solicitude dos “Convenios asinados entre o Ministerio de Defensa e o Instituto Nacional de Técnica Aeronáutica (INTA) e o Ministerio de Defensa e Fomento respecto á cesión das instalacións e o uso da base de Castro de Rei para o estudio e desennvolvemento de avións non tripulados”.

Finalmente, Esquerda Unida presentou diferentes preguntas parlamentares no Congreso dos Deputados entre as que destacan as seguintes:

¿Ten o goberno previsto converter o aeródromo de Castro de Rei en base de avións espías?

¿Cómo xustifica o Goberno as probas realizadas no aeródromo de Castro de Rei pola empresa Cassidian, pertencente á multinacional EADS, empresa máxima accionistas da compañía panaeuropea de Misís MBDAS da que foi presidente Executivo para España o actual Ministro de Defensa?

¿Ten previsto o Goberno a utilización do aeródromo de Castro de Rei como unha das cinco bases de probas que os Estados Unidos ten intención de instalar en Europa de avións non tripulados?