ESQUERDA UNIDA LUGO DENUNCIA
QUE AS FAMILIAS SEN PRAZA ESCOLAR NA SUA ÁREA DE INFLUENCIA SON
OBRIGADOS A PAGAR A TARIFA MÁXIMA DOS COMEDORES ESCOLARES.
Centos de familias que ao
longo destes anos non acadaron praza no colexio público que lles
correspondía na súa área de influencia, son agora obrigados a
pagar 4,50 euros cada día polo comedor escolar dos seus fillos.
As
direccións dos centros están derivando ás
familias á Delegación Territorial da Consellería de Educación
para que realicen reclamacións.
Co inicio de curso e a aprobación
do novo decreto de comedores, a Consellería de Educación está a
sembrar o caos en moitos centros da cidade de Lugo.
A
disposición adicional primeira do citado decreto, establece no seu
apartado primeiro, que o alumnado escolarizado nun centro distinto de
aquel que lle corresponda segundo a distribución das áreas de
influencia establecidas polos titulares das xefaturas territoriais da
Consellería, como consecuencia de decisións de índole familiar ou
persoal, non terán dereito ao comedor escolar.
No apartado 2º do citado
decreto, establece que no caso de haber prazas e persoal dispoñibles,
o alumnado procedente doutras áreas de influencia, poderán empregar
o servizo de comedor pagando o importe máximo da tarifa que se
sitúa nos 4,50 euros.
A propia Consellería de
Educación enviou unha circular informativa aos centros de ensino na
que informa aos directores sobor da obrigatoriedade de cobrar o
servizo de comedor ao alumnado escolarizado fora da súa área de
influencia, sen ter en conta excepción algunha.
Esta circunstancia afecta polo
tanto a todo aquel alumnado que por falla de prazas públicas na súa
zona de residencia, é obrigado a escolarizarse fora da súa área de
influencia o que implica evidentes trastornos para a conciliación da
vida familiar e laboral aos que agora hai que engadir a
obrigatoriedade de pagar a tarifa máxima dos comedores escolares
(4,50 euros) por non ter dereito aos descontos aplicables en función
da renda, sexan cales sexan os seus ingresos.
Un feito que afecta igualmente
aos nenos pertencentes a familias desestructuradas nas que o lugar de
residencia teña mudado como consecuencia da situación que estas
padecen.
Esquerda Unida Lugo
denuncia este agravio comparativo que está a provocar numeroso
problemas nos centros de ensino da cidade e unha grave inxustiza para
as familias que están sendo derivadas polos directores dos colexios
a xefatura territorial de Lugo para presentar as correspondentes
reclamacións.
O
coordinador de Esquerda Unida Lugo e Deputado de Alternativa Galega
de Esquerda, Ramón Vázquez, presentará este Luns unha proposición
non de lei para que
o alumnado escolarizado obrigatoriamente fora da súa área de
influencia, por non ter unha praza pública no seu centro de
referencia, teñas as mesmas condicións de acceso ao servizo de
comedor que o alumnado pertencente a área de influencia .
No hay comentarios:
Publicar un comentario