Actual CEIP do Sagrado Corazón en Lugo
O PARLAMENTO GALEGO DEBATERÁ O
VINDEIRO MARTES A DOTACIÓN DUN NOVO CENTRO DE ENSINO NO BARRIO DO
SAGRADO CORAZÓN DE LUGO
O deputado e voceiro de Educación
Moncho Vázquez, defenderá a urxente dotación orzamentaria para a
construción do novo centro
O Parlamento de Galicia debaterá o
vindeiro martes, e a instancia do deputado de Alternativa Galega de
Esquerda e voceiro de Educación, Moncho Vázquez, a dotación dun
novo centro de ensino no Barrio do Sagrado Corazón de Lugo.
O
actual CEIP Sagrado Corazón de Lugo é froito dun convenio cesión
asinado nos anos 80 pola obra social de Caixa Galicia, hoxe Nova
Galicia banco, no que se destinaban estas instalacións a usos
educativos por un período de 30 anos. Dito convenio remata no ano
2018 e a nova entidade financeira ten anunciado a non renovación
desta cesión.
A esta problemática temos que
engadir o feito de que o colexio na actualidade, non reúne os
requisitos educativos nin de seguridade por atoparse nun estado de
avanzado deterioro, agravado pola ausencia de obras de mantemento
motivada precisamente, pola inminente finalización do convenio. Por
estes motivos resulta imprescindible a construción dun novo centro
de ensino que dea resposta ás necesidades de escolarización desta
zona de xeito urxente.
O 9 de Febreiro de 2012 o Concello
de Lugo recibiu unha petición por parte da Xunta para que o Concello
procedera a cesión dos terreos municipais necesarios para a
construción dun centro escolar na zona, tal e como informou a
responsable da Area de Educación do Concello na sesión ordinaria do
Consello Escolar municipal celebrada o 28 de marzo de 2012.
Dende o o Concello informouse
ademais que, unha vez analizada a dispoñibilidade de terreos en
contacto coa Área de Urbanismo, o único espazo dispoñible é o
cedido á Consellería de Sanidade para a construción dun Centro de
Saúde previsto no seu día, polo que se remite a esta Consellería a
posibilidade de realizar un cambio dos usos concibidos en de dita
cesión.
A dia de hoxe, nin pola banda do
Concello nin pola banda do Goberno da Xunta se ten dada unha resposta
nin unha solución a un problema que se agrava, tendo en conta os
prazos necesarios para a construción dun novo centro. A comunidade
educativa e a cidadanía en xeral, ven aumentada a súa preocupación
considerando que a finalización do convenio está cada dia mais
próxima, mentres que o Goberno da Xunta dilata as xestións
necesarias para acometer a construción do novo centro.
Por todo elo Alternativa Galega de
Esquerda defendera a inmediata dotación dunha partida especifica
para a construción do novo centro no barrio do Sagrado Corazón tal
e como xa reflectiu nas enmendas realizadas ós orzamentos da
Consellería de Educación para o ano 2013
No hay comentarios:
Publicar un comentario