AGE ESIXE EXPLICACIÓNS AO GOBERNO POLAS MANOBRAS DA OTAN EN GALICIA

O deputado de Alternativa Galega de Esquerda Ramón Vázquez esixiu hoxe explicacións ao  Goberno Galego polas manobras militares realizadas polo Grupo de Intervención Rapida da OTAN realizadas no Campamento Militar de Parga, nas que interviñeron 6 batallons de 6 paises diferentes coa finalidade de "planificar operacións de alta intensidade, integrando as diferentes funcións de combate" segundo o propio Ministerio de Defensa.

As manobras Azor Lineage da unidade da OTAN VJTF constitúense nuns exercicios preparatorios das operacións previstas na fronteira Rusa para o vindeiro mes de Xuño.

As manobras realizáronse nun espazo e nunhas instalacións non concibidas para este fin,  froito dunha "doazón forzosa" de monte comunal realizado durante a ditadura franquista polos veciños da zona. As operacións militares leváronse a cabo a escasos 300 metros das vivendas e provocaron serios destrozos nos camiños e terreos veciñais  coa maquinaria militar pesada. 

O Deputado de AGE denunciou o proceso de remilitarización da Terra Cha, convertendo esta zona nunha area de especial valor estratéxico pra o o control da Cornixa Atlántica por parte da OTAN.

Ramón Vázquez advertiu ó Vicepresidente do Goberno Galego Alfonso Rueda, das consecuencias que conleva implicar a Galicia nunha 2ª Guerra Fría  no que a OTAN, está a preparar un coctel explosivo mesturando a ameaza yihadista, a crise dos refuxiados, o control das fronteiras, a guerra de Ucraína e os conflitos de Oriente Próximo e Africa.

*Premer encima das pantalla para ver os videos das intervencións

O PP admite agora que o aeródromo de Rozas é empregado para probas militares

O deputado de Alternativa Galega de Esquerda (AGE) Ramón Vázquez denuncia as “evidentes mentiras” de Feijóo ao respecto e pregúntase polas razóns últimas destes embustes  

Video da intervención do Deputado de AGE Ramón Vázquez

Logo de meses negando evidencias, o Partido Popular admitiu esta mañá que o aeródromo de Rozas, no Concello de Castro de Rei, está a ser empregado para probas con drons de uso militar. Así o recoñeceu o deputado da dereita Jaime Castiñeiras ao amosar o convenio entre a Xunta e o Ministerio de Defensa publicado en maio no Boletín Oficial do Estado (BOE). “Mostra vostede un documento que autoriza o uso para drons civís do aeródromo de Rozas”, explicou o parlamentario de Alternativa Galega de Esquerda (AGE) Ramón Vázquez, “pero este mes vimos que alí se probaba o Searcher, un dron militar en procura de certificación para o uso civil. Vostede admíteo e, polo tanto, admite as probas militares no lugar”.

Porque a do uso militar do aeródromo de Rozas é a historia dunha interminábel sucesión de mentiras, enganos e silenciamentos. “No pasado debate sobre o estado da Nación, Feijóo anunciou un investimento de dez millóns de euros en Rozas para a investigación en avións non tripulados de uso civil”, lembrou Vázquez. A partir dese intre, Alternativa Galega de Esquerda (AGE) denunciou e demostrou que o aeródromo da Terra Cha ía ser empregado para probas militares. Primeiro, de desenvolvemento do proxecto Atlante, un dron militar. “Feijóo mentiu xa daquela”, engadiu no debate da proposición non de lei de AGE –no documento anexo.

Pero é que entre agosto e setembro deste ano transcendeu que sobre Rozas estaba a voar un dron modelo Searcher, de fabricación israelí. “É un aparello idéntico ao que emprega o exército de Israel contra o pobo palestino, nun conflito que, non o esquezamos, se cobrou 2.300 vítimas civís en 2014, o 37% causadas por avións non tripulados”, explicou o deputado, “e imaxino que o exército español non merca armas para uso civil”.

Unha vez que quedaron demostradas en sede parlamentaria as continuadas mentiras de Feijóo e o seu partido ao respecto, só fica, en palabras de Ramón Vázquez, solucionar unha cuestión: por que?. “Por que minte Feijóo? Por que a Xunta paga a perimetraxe dunha base militar, un laboratorio e unha torre de control? Que pinta o Goberno galego investindo 45 millóns de euros para captar socios tecnolóxicos canda o exército español? É unha evidencia que a Xunta de Feijóo nos está a mentir. O que falta é saber por qué”.

Momento en que o voceiro do PP recoñece o emprego de Rozas para probas con drones militares

Todos os grupos parlamentarios agás o PP apoiaron a iniciativa de Alternativa Galega de Esquerda que solicitaba transparencia nos acordos, informes, criterios e convenios entre a Xunta e Defensa.

O PARTIDO POPULAR ASENTE COMPRACIDO AO PECHE DAS ESCOLAS INFANTÍS DE ABANCA

O deputado de Alternativa Galega de Esquerda (AGE) Ramón Vázquez acusa á Xunta de Feijóo de mirar para outro lado “como sempre que se atacan dereitos fundamentais”

Santiago de Compostela, 23 de xuño de 2015.- Primeiro, o Goberno rescatou as vellas caixas de aforros con 9.000 millóns de euros de todas as galegas. Despois, vendeu a entidade resultante por mil millóns. Os compradores obtiveron, no seu primeiro exercicio, 1.100 millóns de beneficios. “É un atraco perfecto, un roubo descarado”, relatou o deputado de Alternativa Galega de Esquerda (AGE), quen lembrou as implicacións concretas da falcatruada: a venda de preferentes e o posterior impagamento, o peche de 104 oficinas, a desaparición de 4.000 empregos ou o desmantelamento progresivo da obra social. A rede de escolas infantís é unha das primeiras vítimas, á que o Partido Popular asentiu compracido esta mañá no pleno.

“Abanca está a desmantelar as escolas infantís. Apenas queda unha aberta das catro que había”. O banco comezou polo centro de Monforte e agora vén de anunciar o final das garderías do Sagrado Corazón, en Lugo, e do Campelo, en Poio. “Isto é un ataque directo ás cativas e cativos de ate seis anos que se beneficiaban destas escolas e ao intento de conciliación de máis de 70 familias”, denunciou Vázquez, “algo que resulta aínda máis grave se temos en conta que se trata de escolas concertadas e xestionadas pola Xunta, que non fai nada”. E engadiu: “O Goberno de Feijóo cala e miara para outro lado, como sempre que se atacan os dereitos fundamentais da cidadanía”. Todo mentres 3.000 nenas e nenos quedan sen praza nas escolas infantís da Xunta, máis dun cento precisamente na cidade de Lugo onde Abanca pecha un dos seus centros.

“Non é razoábel que unha entidade rescatada con cartos públicos, de todas as galegas e galegos, suprima servizos sociais fundamentais construídos durante anos cos aforros de cidadás e cidadáns”, expuxo Ramón Vázquez, “e que a Xunta asista inmóbil á situación”. É por esta razón que a proposición non de lei –pnl, no documento anexo- de Alternativa Galega de Esquerda (AGE) esixía da Cámara o apoio para esixir ao Goberno galego que instase á Fundación Abanca “manter abertas e en bo funcionamento” as escolas infantís de Lugo e Poio e mais o resto dos “servizos socioeducativos da entidade, e unha “xuntanza urxente” do padroado da mesma para “organizar e planificar os servizos educativos e sociais desta entidade de interese social”.

Polo Partido Popular interveu unha deputada que, en palabras de Ramón Vázquez, apenas achegou “unha restra de mentiras, non dixo vostede nin a máis mínima verdade”. Todo para xustificar o apoio da dereita ao peche de dúas escolas infantís construídas co aforro agora expropiado de milleiros e milleiros de galegas e galegos. 

 

Video da intervención de Ramón Vázquez

AGE ASEGURA QUE O MODELO DE EMPREGO DO PP É A POBREZA E A DESIGUALDADE

O deputado de AGE, Ramón Vázquez, afirmou que o modelo de emprego defendido e que está a fomentar o PP caracterizase pola desigualdade e a condición de traballadores pobres. Unha situación que ainda peor no tocante as mulleres e a mocidade.

Video da intervención de Ramón Vázquez no Parlamento de Galicia

O CONSELLO DE CONTAS REMITIRÁ Á FISCALÍA DO TRIBUNAL DE CUENTAS AS IRREGULARIDADES NA CONTABILIDADE DA CÁMARA DE COMERCIO DE LUGO

• O grupo parlamentar de AGE solicitou o traslado das conclusións do informe do Consello ante as graves irregularidades detectadas e que poden ser constitutivas dun delito contable

• O presidente do Consello, Xesús Palmou, anunciou en comisión parlamentar que se remitirá o informe á fiscalía

                                      Video da intervención de Ramón Vázquez

Santiago de Compostela, 27 de marzo de 2015.- Alternativa Galega de Esquerda (AGE) solicitará a remisión das conclusións do informe elaborado polo Consello de Contas sobre a fiscalización da Cámara de Comercio de Lugo ante as graves irregularidades detectadas, algo que semella vai ter lugar tal e como anunciou o propio presidente do Consello, Xesús Palmou, en comisión parlamentar. O deputado de AGE, que xa denunciara a situación en rolda de prensa, considerou imprescindible que a fiscalía do Tribunal de Cuentas analice o informe.

Destácanse entre outras moitas irregularidades a actividade contractual na que se atopa o dobre contrato (a tempo parcial e tempo completo) do director xeral polos que percibe importantes remuneracións anuais, como director xeral e como asesor, os cargos por máis de 250.000 euros na tarxeta visa durante cinco anos xustificados como gastos de viaxes, algún deles realizado durante o mes no que permanece pechada por vacacións a Cámara. Outra das irregularidades salientadas no informe fai referencia á non reserva económica dunha partida para facer fronte a continxencias como é obrigación da entidade que no 2010 tería que ter sido de 1.8 millóns de euros e no 2011 de 1.3 millóns de euros. A Cámara unicamente reservou para este concepto 250.000 euros.

O deputado Ramón Vázquez felicitouse polo anuncio realizado polo presidente do Consello de Contas xa que estamos ante uns feitos moi graves que deben ser investigados pola fiscalía do Tribunal de Cuentas. O grupo parlamentar anunciou que seguirá de cerca a remisión desta información e a espera do resultado das investigacións que leve a cabo o fiscal.

O Concello, Deputación e o Pazo de Feiras en Lugo serán fiscalizados

O grupo de AGE incluíu nas súas recomendacións para o traballo do Consello de Contas a fiscalización do Concello de Lugo, a Deputación de Lugo e o Pazo de Feiras e Exposicións, algo que pese ao voto en contra do Partido Popular onte no Parlamento de Galicia, vaise levar a cabo xa que o propio Consello de Contas recollía no seu plan de traballo para o 2015 os apuntamentos realizados por AGE. O deputado Ramón Vázquez destacou a necesidade de investigar en profundidade qué é o que está a suceder por exemplo no Pazo de feira cun “burato” de máis de 500.000 euros que o coloca en situación de quebra económica.

AGE TRABALLARÁ POR SACAR A GALICIA DA SITUACIÓN LÍMITE DE DEVASTACIÓN NA QUE O GOBERNO GALEGO DO PP TEN SUMIDO A NOSA EDUCACIÓN E A NOSA CULTURA

• Os deputados Xabier Ron e Ramón Vázquez presentaron as liñas de traballo do grupo de AGE para este ano no eido educativo e cultural.

• Os deputados de AGE aseguran que Jesús Vázquez é o “peor conselleiro de Educación na historia da democracia no noso país” e lamentaron que estea máis interesado pola súa carreira municipal que pola educación e a cultura de Galicia.

Santiago de Compostela, 21 de xaneiro de 2015.- O grupo parlamentar de Alternativa Galega de Esquerda (AGE), traballará para sacar ao noso país da situación límite e de total devastación na que o Goberno galego de Alberto Núñez Feijóo ten sumidas áreas fundamentais como son a Educación e a Cultura. Os deputados Xabier Ron e Ramón Vázquez presentaron esta mañá en rolda de prensa as liñas de traballo do grupo parlamentar de AGE para este ano e que supoñen avanzar la liña oposta á que nos leva o Partido Popular cunha aposta por colaboracións público-privadas nas que os beneficios van para as empresas a través de cartos públicos, mentres que as perdas e prexuízos van para á cidadanía.

O deputado Ramón Vázquez centrou a súa intervención no eido educativo denunciando en primeiro lugar a estratexia de engano do Goberno galego que está a insistir nun relato da recuperación con obxectivos claramente electorais para os que impulsa pequenos incrementos de orzamento e programas totalmente baleiros que non solucionarán a catastrófica situación na que nos teñen sumido. Os datos son claros ao respecto con máis de 70 centros educativos públicos pechados, 203 aulas menos, e máis cerca de 1.400 profesores e profesoras menos desde o 2009, segundo os datos publicados polo Instituto Galego de Estatística (IGE). E isto nun momento no que aumentou en 20.000 o número de alumnos e alumnas en Galicia. Estes datos unidos aos recentemente coñecidos e que destacan a perda de 27.000 mozos e mozas menores de 35 anos emigrados, “deixan unha crónica de futuro tremendamente incerta e complicada” como salientou o deputado Ramón Vázquez.

Co obxectivo de loitar contra o escenario de destrución do Partido Popular, o grupo parlamentar de AGE traballará por sacar adiante un programa de construción no que destaca a presentación dunha Proposición non de Lei específica para o ensino rural, o mais castigado polas políticas de recortes da Xunta de Galicia. Ramón Vázquez destacou que a actuación urxente no ensino rural galego é o “paso fundamental para garantir a supervivencia do noso campo e do noso país”. Outra das actuacións de AGE para este ano será a realización dun estudo sobre a situación actual dos centros educativos públicos galegos, abandonados polo PP e que os está sumir no colapso e nun deterioro inaceptable. No eido educativo, o grupo parlamentar prestará especial esforzo á atención á diversidade esixindo que “o Goberno galego deixe de atacar aos que máis necesidades teñen”.

AGE presentará diversas iniciativas encamiñadas a potenciar a investigación nas Universidades galegas e garantir a creación de grupos de investigación baseados no interese xeral e non criterios de mercado para poñer en mans de empresas privadas os seus traballos. Co impulso á creación destes grupos lograríase ademais frear a importante e grave fuga de cerebros que esta a dar na actualidade ante a falla de futuro na que os mozos e mozas atópanse no noso país. Alternativa Galega de Esquerda presentará así mesmo este ano un programa de retorno para os xoves emigrados para loitar contra o drama da emigración xuvenil que o ano pasado provocou que 27.000 menores de 35 anos marcharan do noso país pola falla de expectativas.

O deputado Xabier Ron pola súa banda alertou do “delirio absoluto”no que parece atoparse a Xunta de Galicia no tocante a políticas de protección e impulso da Cultura do noso país “cuns orzamentos secuestrados por fórmulas de colaboración público-privadas que o único que están a conseguir é que os beneficios vaian para as empresas mentres que as perdas queden para a cidadanía como esta a acontecer por exemplo en Campo Lameiro”. O recorte do 60 por cento nos orzamentos da Xunta de Galicia en Cultura desde 2009, dan unha idea do interese, preocupación e compromiso do Partido Popular co noso patrimonio e a nosa historial. “O noso patrimonio está a esmorecer baixo o abandono do PP que mantén a estratexia de degradar, silenciar e ocultar para que sexa máis fácil despois xustificar unha actuación e arrasar con todo” denunciou o deputado Xabier Ron. Esta estratexia é a que está a seguir por exemplo o Goberno galego cos restos do Castelo de Rande afectados pola ampliación da AP-9 e que grazas a un Goberno “ineficaz, incompetente e inoperante” atópanse no abandono máis absoluto e terminarán por facer desaparecer calquera pegada da nosa historia nesta zona.

O grupo parlamentar de AGE defendeu a necesidade de apostar pola xestión pública dos parques arqueolóxicos, con persoal público que garanta a súa conservación e a defensa do noso patrimonio. O grupo esixirá así mesmo, “que se faga público o catálogo de Patrimonio de Galicia que o PP ten agochado de xeito consciente nun caixón da Xunta de Galicia”.

A eliminación do canon nas bibliotecas escolares ou a creación do bono cultura son dúas das cuestións nas que o grupo parlamentar de AGE traballará este ano impulsando novas iniciativas no Parlamento de Galicia para continuar o traballo xa realizado ata o momento e rexeitado polo grupo maioritario do Partido Popular.

Por último, Alternativa Galega de Esquerda impulsará a creación dunha Comisión de Estudo da actual situación da lingua galega para deixar a un lado as lecturas partidistas dos datos e coñecer de primeira man e de todos aqueles axentes culturais e sociais implicados no tema, cal é a realidade da lingua galega e entre todos, traballar en prol da súa defensa e impulso en todos os ámbitos da vida no noso país.

ESQUERDA UNIDA INSTA AO CONCELLO DE LUGO A QUE SOLICITE O PROGRAMA DE COMEDORES ESCOLARES NO VERÁN APROBADO POR UNANIMIDADE NO PARLAMENTO DE GALICIA.

 O pasado dia 11 de Xuño, o Parlamento de Galicia aprobou por unanimidade e a proposta do Grupo Parlamentar de Alternativa Galega de Esquerda, unha Proposición non de Lei na que se resolve que "O Parlamento de Galicia insta á Xunta de Galicia a levar a cabo as medidas necesarias para evitar que ningún neno ou nena careza de alimentación ou sustento necesario por estar en situación de vulnerabilidade, poñéndose en marcha convenios cos concellos interesados, podéndose usar as instalacións dos centros educativos en colaboración cos servizos publicos de benestar" .

O curso escolar, nos seus niveis obrigatorios, remata o dia 20 de xuño e moitas familias do concello de Lugo, non saben como poder garantir unha axeitada alimentación para os seus fillos e fillas nos dous meses non lectivos, diante da grave situación socioeconómica pola que están a atravesar.

Segundo os últimos datos ofrecidos polo Instituto Galego de Estatística, case a metade das familias do Concello de Lugo, o 47,38% do total, chegan a final de mes con dificultades. O risco de exclusión social afecta xa a 17.000 habitantes da cidade de Lugo. O 14 % das familias lucenses sofren importantes carencias materiais como non poder comer peixe ou carne cada dous días, non poder manter a casa a unha temperatura axeitada, non ter capacidade para facer fronte a gastos imprevistos, ten atrasos no pagamento de gastos relacionados coa vivenda principal (aluguer, hipoteca, electricidade, gas, comunidade...). Neste contexto son os nenos e as nenas da nosa cidade os que sofren as peores consecuencias desta situación.

UNICEF alertou de que o 20,1% dos nenos e nenas viven por debaixo do umbral da pobreza en Galicia, un dato que extrapolado a cidade de Lugo implicaria que mais de 2.000 menores vivan nesta situación.

Por todos estes motivos, Esquerda Unida Lugo presentou hoxe unha moción para que o Pleno do Concello de Lugo inste ao Goberno da Xunta de Galicia a poñer en marcha os mecanismos necesarios para ofrecer o servizo de comedor durante as vacacións nos centros educativos precisos no Concello de Lugo e dar así cumprimento ó acordo plenario unanime acadado no Parlamento de Galicia.

CANDO O MEDO CAMBIE DE BANDO

No marco da campaña a favor dunha 'Comisión da Verdade' sobre a crise bancaria en España (http://www.izquierda-unida.es/Comision_Verdad_Banca) lanzamos un novo vídeo no que acusamos ás elites económicas e políticas de ser os responsables impunes da crise.

OROZCO ATACA A ESQUERDA UNIDA

O ALCALDE DE LUGO ATACA A EU LUGO POLA NOSA LOITA CONTRA A CORRUPCIÓN NA CIDADE

No transcurso dunha entrevista realizada nunha televisión e difundida para toda Galicia

O pasado 26 de abril de 2012, V Televisión emitiu unha entrevista realizada ó alcalde de Lugo, José López Orozco. As preguntas realizadas pola presentadora do programa xiraron fundamentalmente en torno a cuestións relacionadas coa corrupción política en Lugo.

No transcurso da entrevista, a periodista Fernanda Tabarés refírese ao espazo dixital LugoAnticorrupción e á suposta omertá existente entre o PSOE, o PP e o BNG con respecto ás diferentes causas abertas nos xulgados lucenses e que Esquerda Unida denuncia desde hai anos. O alcalde confirma o silencio dos partidos por "responsabilidade política", síntese constantemente aludido cando se fala de corrupción en xeral, e refírese despectivamente a Esquerda Unida.

Posteriormente, as cámaras de V Televisión desplazadas a Lugo entrevistan a varios lucenses na rúa para coñecer o seu posicionamento sobre a corrupción na cidade. Dous membros da Plataforma contra a Corrupción e en Defensa da Xustiza expoñen as súas opinións, e novamente o alcalde  refírese a Esquerda Unida e menosprecia a un integrante da Asociación en Defensa do Parque Rosalía.

A entrevista pódese visualizar íntegra en http://www.vtelevision.es/informativos/viav/2012/04/26/0031_6_137413.htm?utm_...

NON É POLA CRISE, É POLO MORRO!!

Traducimos o discurso do goberno para explicar como nos afecta realmente a contrarreforma laboral.

Hai que parar o maior ataque na historia da democracia contra os dereitos laborais, salariais e sociais da maioría.

Xogámonos moito, polo noso futuro. Somos máis!

CAYO LARA NO PROGRAMA "59 SEGUNDOS" DE TVE (08/02/12)

Congo: Minerales de Guerra

Coincidindo co informe que hai poucos días publicaba a organización Global Witness no que se aseguraba que compañías europeas e asiáticas compran minerais procedentes de República Democrática do Congo (RDC), proporcionando fondos aos grupos armados e alimentando así o conflito, o programa emitido pola 2 de TVE quixo recuperar unha das súas mellores reportaxes: "R.D. Congo: Minerais de guerra".

A República Democrática do Congo converteuse nunha das rexións máis ricas en canto a minerais. No seu territorio atópanse desde os máis comúns aos máis raros e estratéxicos. Sin embargo, precisamente iso converteuse na principal fonte de sufrimento para a súa poboación, e máis en particular no leste do país, nas zonas limítrofes con Ruanda, Uganda e Burundi.

O congoleño Donato Lywando nacido ás beiras do lago Kivu, descubriranos esa realidade tan crúa. Por longos e case intransitables camiños, imos con el ás minas onde se extraen minerais tan cobizados polos mercados internacionais, como a casiterita, o coltán e o ouro. Os dous primeiros moi utilizados para a fabricación de computadores, teléfonos móbiles e outros aparellos eléctricos. A maioría destas minas permanecen baixo o control dos rebeldes e o Exército nacional.

Ao redor destas explotacións, tecéronse longas e complicadas cadeas que van desde as entrañas da mina aos compradores estranxeiros. Nelas, participan a poboación local, cuxo traballo apenas lle dá para sobrevivir, innumerables intermediarios, varios grupos armados e o propio exército congoleño. Canto máis lonxe do tallo, maior é o beneficio e maior a pillaxe.

A explotación mineira mantén e alenta a grupos armados, como a Fronte Democrática de Liberación de Ruanda, que encadra aos Interhamwe, hutus que participaron no xenocidio en Ruanda en 1994, os Mai Mai ou as milicias do Laurent Nkunda, apoiado até a súa detención por Ruanda.

Hai tan só uns días a organización Global Witness publicaba un informe onde aseguraba que compañías europeas e asiáticas compran minerais procedentes de República Democrática do Congo (RDC), proporcionando fondos aos grupos armados e alimentando así o conflito.

Paradoxalmente, os ricos recursos mineiros, até agora, só xeraron pobreza e enormes sufrimentos á poboación congoleña. A maioría sobrevive con menos dun dólar diario e a súa esperanza de vida é de apenas 43 anos. E, no leste, nos Kivus e Ituri, sofren o terror dos grupos armados. Ao redor dun millón fuxiron das súas aldeas e refuxiáronse na selva ou nos numerosos campos de desprazados instalados na zona de Goma.

Marinaleda: 30 anos de loita.

Crónicas. La 2. 12/07/2009
A historia de Marinaleda (Sevilla) é moi singular. Como o é tamén Juan Manuel Sánchez Gordillo (IU), o seu Alcalde nos últimos trinta anos. Ambos, o Rexedor e a Localidade, loitaron até alcanzar un máis que aceptable benestar social para os tres mil habitantes.

Unha vez máis a sombra da corrupción sacude Lugo.

Visión de Esquerda Unida sobre a nova ponte do Miño

RECLASIFICACIÓN DE SOLO PROTEXIDO NO PXOM
Extractos da rolda de prensa ofrecida polo Coordinador local, Carlos Portomeñe

VIDEO CON PROPOSTAS DE ESQUERDA UNIDA
Xa sabes a quen vas votar?

Vídeo electoral IU: "PP e PSOE non parecen o mesmo, pero en Europa votan o mesmo"

Vídeo electoral IU: "PP y PSOE no parecen lo mismo, pero en Europa votan lo mismo" from jovenesiu on Vimeo.

A SGAE INTENTA OBTER BENEFICIO DUN VIDEO DE IU
A SGAE pretende que IU pague 15000 euros pola aparición nun vídeo electoral do cántico popular “A por eles” .

Izquierda Unida apostou nesta campaña electoral por un modelo de vídeos electorais pouco habituais a través dunha miniserie titulada “A rodaxe”, dirixidos por Felipe Vara del Rey. Nun dos vídeos, o titulado “O lema” un militante de Izquierda Unida intenta convencer a un propagandístico de que se equivocaron co lema: “Diante da crise vota polos teus dereitos [o lema electoral de Izquierda Unida] é moi vello, iso non funciona” e suxírelle un moito máis efectivo: “a por eles, IU” baseado nos cánticos que se producen en todos os estadios de fútbol.

Do mesmo modo que Izquierda Unida se inspirou nos cánticos dos estadios de fútbol, A Banda da Capitán Canalla, grupo liderado por Alfonso Aguado (que anteriormente liderara aos inhumanos e previamente obtivera o primeiro posto na súa promoción da licenciatura de Dereito) fixo unha canción titulada A por eles, oé. Esta canción foi gravada para acompañar á selección española de fútbol no Mundial de 2006, despois de que se popularizase o cántico nos campos de fútbol.

Segundo puido saber tercerainformacion.es, ao coñecer o vídeo de Izquierda Unida, Bartolomé Blaya, representante de Alfonso Aguado dirixiuse á sede federal de Izquierda Unida e comunicou que o seu representado ten rexistrados os lemas “A por eles, oé” e “A por eles”, así como a melodía que se corea nos campos de fútbol e que usou A Banda da Capitán Canalla no Mundial 2006. Así mesmo comunicou que a súa intención inicial era pedir 18.000 euros, pero que a SGAE aconselláralle limitarse a pedir 15.000 euros ao tratarse dunha campaña europea, con menor repercusión.

Non é a primeira vez que o “A por eles, oé” aparece en campaña electoral. Segundo a crónica de Europa Press, nas pasadas eleccións vascas pechouse un mitin de Ibarretxe cos berros “A por eles, oé” e “Ari, ari, ari, Ibarretxe lehendakari”, este último non rexistrado por Alfonso Aguado. En todo caso, non se lle ocorreu ao seu representante pedir diñeiro polo uso do lema popular.

Dáse a circunstancia de que Izquierda Unida fixo unha nítida aposta pola cultura libre: ademais de haber empregado unha licenza Creative Commons en todos os seus vídeos electorais e na súa páxina electoral, recolleu as demandas de moitos colectivos internautas no seu programa europeu. Iso puido converter a IU en obxecto de especial atención polas sociedades privadas de xestión de dereitos de autor e moi especialmente da SGAE.

O caso supón unha volta de porca na apropiación de dereitos de autor, pois resulta claro que nin a letra nin a melodía do “A por eles, oé” se lle ocorreu a Alfonso Aguado, senón que a autoría é popular. Ao ter rexistrado a canción, o xurista e músico Aguado, pretende apropiarse tamén do cántico popular e facer pagar xa que logo a quen o use. Segundo fontes xurídicas Aguado xa obtería importantes beneficios económicos pola autoría deste lema.

AMNESIA
O mellor é chamarlle ás cousas polo seu nome. A propaganda e os medios de comunicación trasladan unha imaxe ben distorsionada da realidade.