AGE EXÍSELLE AO GOBERNO GALEGO QUE INTERVEÑA NO CONFLITO ENTRE A EMPRESA MOVISTAR TELÉFÓNICA E AS EMPRESAS SUBCONTRATADAS

Os deputados de AGE, Ramón Vázquez e Juan Manuel Fajardo, reuníronse cos delegados das distintas empresas subcontratadas en Lugo para coñecer de primeira man a súa situación

Lugo, 16 de abril de 2015.- Alternativa Galega de Esquerda (AGE) insta á Xunta de Galicia a mediar diante da empresa Movistar Telefónica e as contratas e subcontratas para chegar a un acordo que garanta unhas condicións de traballo dignas incluíndo a eliminación dos convenios bucle, a redución drástica das subcontratacións, a eliminación da figura obrigada polas condicións de subcontratación dos falsos autónomos, aplicación dos convenios provinciais do metal entre outras cuestións. Así mesmo o grupo de AGE solicita a apertura dunha mesa sectorial de negociación para regulamentar o sector.

Os deputados de AGE, Ramón Vázquez, e Juan Manuel Fajardo, mantiveron esta tarde un encontro cos delegados das empresas destas subcontratas en Lugo para coñecer de primeira man a súa situación.

Alternativa Galega da Esquerda apoia as mobilizacións, folga indefinida nestes días, dos traballadores das contratas de Telefónica que están a padecer un progresivo deterioro das súas condicións laborais nun marco de crecente precarización e devaluación salarial. Este conflito non se limita a Galicia, abrangue ao Estado, a varios milleiros de traballadores. No noso país están afectados ao redor dun milleiro de traballadores.

Por toda a xeografía galega, de Lugo a Pontevedra, pasando pola Coruña, atopamos as condicións de precariedade extrema que sofren os técnicos que instalan telefonía, ADSL e fibra óptica, e reparacións sometidos a xornadas de traballo extenuantes, de ate 12 horas de traballo, obrigados a adoptar a figura de autónomo (nun obrigado exercicio de fraude de lei) e que con moitas dificultades superan os 700 euros, apenas o salario mínimo interprofesional. Todo elo tendo que custearse o transporte e os gastos anexos a este. Atopámonos diante dos convenios bucle, nos que a matriz Telefónica Movistar vai recortando cada tres anos as condicións nas que subcontrata estas tarefas de instalación e reparación afundindo as condicións laborais do persoal. A situación actual semella unha pirámide onde se van a degradando as condicións laborais, empresas subcontratadas que remuneran de xeito individual co sistema de puntos baremos ate o último eslavón desta semiescravitude que son os traballadores obrigados a faceren de falsos autónomos.

As demandas son o respecto dos convenios asinados, a limitación da infernal cadea das subcontratacións e o recoñecemento dos dereitos de subrogación do persoal. Demandas que se amparan na legalidade que unha nefasta práctica empresarial adoita vulnerar de cote.

Por todo isto, o grupo de AGE entende que a Xunta de Galicia ten que facer valer o seu peso na defensa de condicións de traballo dignas cumprindo as súas obrigas e defender aos traballadores e traballadoras do noso país.

Auga 100% pública

EU DEFENDE A REMUNICIPALIZACIÓN DO CICLO COMPLETO DA AUGA

Portomeñe sinala que PSOE, PP e BNG xeneran confusión na súas propias filas pola falla de coherencia con respecto ao modelo de xestión 

Para EU, o mellor xeito de millorar o servizo de augas é garantir o seu carácter 100% público. Defendemos unha xestión sustentable, social e participativa do servizo de auga e o saneamento porque a auga é un ben público fundamental, non un negocio. 

Carlos Portomeñe sinala que o sucedido onte na Comisión técnico-política para abordar o modelo de xestión do ciclo completo da auga, "reflicte o teatro de máscaras no que se ten convertido a Corporación municipal". Na devandita Comisión, PSOE, PP e BNG modificaron as respectivas posturas mantidas ao longo da actual lexislatura. Por elo, Portomeñe afirmou que "os concelleiros e concelleiras do PSOE, PP e BNG padecen un trastorno de personalidade que mesmo lles leva a confundir o partido no que militan", ademais de xenerar tal confusión nas súas filas que "os seus militantes descoñecen a día de hoxe a posición real dos seus dirixentes con respecto á xestión da auga". 

Portomeñe lembrou que a lexislatura se iniciou cun acordo de goberno entre o PSOE e o BNG polo que privatizaban a xestión do ciclo completo da auga a través da creación dunha empresa mixta. O PP, que defendera sempre a privatización a través da concesión a unha empresa privada, modificou a súa postura despois da decisión de PSOE e BNG de crear a empresa mixta e, en contra dos seus principios neoliberais, defendeu entón a xestión directa.

Pero PSOE e BNG tiveron a obriga de renunciar á privatización por esixencias legais, dado que a lei non permitía o nivel de endebedamento que requería a nova empresa. A súa intención continuaba a ser a empresa mixta, á que deberon renunciar por esixencias legais e non por vontade política.

Agora finaliza a lexislatura co PSOE e BNG dicindo defender a xestión directa e desmentindo cinicamente o seu acordo de goberno en 2011. E o PP decide a abstención na comisión técnica porque quedan descolocados e intentan distanciarse da nova posición de PSOE e BNG. "Os tres amosan unha falla clamorosa de coherencia", sinalou Portomeñe.

Para máis confusión, PSOE e BNG ocultan a verdade cando din defender a xestión directa, porque elixiron un modelo de xestión indirecta, tal e como establece no seu artigo 277 d) o Texto Refundido da Lei de Contratos do Sector Público. Os dous partidos están a falar dun modelo que contempla a explotación privada, como mínimo, das plantas depuradora e potabilizadora, e xa que logo, un modelo de xestión que non é directo. De feito, os representantes municipais falan literalmente de "recuperar para a xestión pública unha parte do ciclo da auga".

Seguimos apostando pola remunicipalización do ciclo da auga porque garante un servizo máis económico, de máis calidade e con emprego fixo e estable, como así recoñecen os propios informes municipais.

ESQUERDA UNIDA DECIDE INTEGRARSE EN ALTERNATIVA CIDADÁ DE ESQUERDAS PARA CONFORMAR UNHA CANDIDATURA DE UNIDADE POPULAR EN LUGO

A asemblea local de EU-Lugo celebrada onte, aprobou por unanimidade sumarse e traballar con Alternativa Cidadá de Esquerdas para concorrer ás vindeiras eleccións municipais.

A asemblea local de Esquerda Unida Lugo celebrada onte á noite, someteu a consideración da súa afiliación e militancia a posibilidade de incorporarse ao traballo dalgunha das dúas plataformas constituídas para presentarse ás vindeiras eleccións municipais.

Esta asemblea comarcal de Esquerda Unida, veu precedida dunha xuntanza mantida o pasado mércores, entre os representantes e voceiros de Alternativa Cidadá e membros do Consello Local de EU-Lugo, na que se valorou positivamente a coincidencia programática do documento elaborado por ACE "70 bases programáticas para un goberno de unidade popular" como premisa sobre a que traballar para configurar unha candidatura cidadá rupturista e sólida para o Concello de Lugo.

 Os asistentes a asemblea valoraron a necesidade de impulsar unha candidatura de unidade popular que aglutine as forzas da esquerda rupturista da cidade que por outra banda, levan tempo loitando contra un réxime podre que goberna contra os intereses da maioría social do noso Concello.

Coincidiuse tamén en que dificilmente aqueles que formaron parte do Concello e das institucións durante os últimos anos, poden protagonizar a imprescindible rexeneración democrática que precisa a nosa cidade.

ALTERNATIVA GALEGA DE ESQUERDA VISITOU HOXE OS XULGADOS DE LUGO PARA AVALIAR AS CARENCIAS E NECESIDADES DE RECURSOS HUMANOS E MATERIAIS

 A Vicevoceira de AGE, Yolanda Diaz e o deputado Ramón Vázquez, mantiveron hoxe unha xuntanza de traballo coa Xunta de Persoal de Xustiza de Lugo, para analizar a situación dos xulgados da cidade e avaliar as súas carencias de recursos materiais e humanos.

  Entre as principais demandas dos representantes dos traballadores da administración de xustiza constatouse a necesidade de crear un novo xulgado de instrucción, dotar de persoal de reforzo aos xulgados existentes,  mellorar a compatibilidade dos diferentes sistemas informáticos, contar con persoal especialista para a xestión e mantemento dos arquivos etc.

Para os representantes de AGE, resulta indecente que se este a provocar unha situación de colapso dos xulgados lucenses como a actual, impedindo o acceso o dereito a xusticia á cidadanía e bloqueando a investigación de importantes casos de corrupción cuxas causas se ven obstruidas.

  Alternativa Galega de Esquerda rexistrará no Parlamento de Galicia diversas iniciativas dirixidas a facer que o Goberno Galego cumpra coas súas obrigas e dote dos medios necesarios para garantir o funcionamento do noso sistema xudicial.

Xulgado de Instrución nº1

EU DENUNCIA O ESTRANGULAMENTO POLÍTICO DO XULGADO DE INSTRUCIÓN Nº1 DE LUGO
Impulsou unha iniciativa no Parlamento de Galicia para garantir os medios necesarios para o seu funcionamento

A corrupción é un tema de especial sensibilidade social na cidade de Lugo. En 2011 máis de mil lucenses saíron á rúa co lema "Contra a corrupción, en defensa da Xustiza", convocados pola Plataforma contra a Corrupción da que forma parte EU Lugo. E se os xulgados lucenses teñen amosado a súa acción decidida para erradicar as prácticas corruptas na nosa cidade, o xulgado de instrución nº1 acadou especial sona en Galicia por levar causas de relevancia social con implicación delictiva de numerosos empresarios, cargos políticos e altos funcionarios, especialmente nas coñecidas operacións Pokémon e Carioca.

Nos últimos meses, o xulgado de instrución número 1 perdeu, sucesivamente, o Xuíz de reforzo que tiña adscrito, a secretaria titular e máis recentemente dúas funcionarias dependentes da Xunta de Galicia.

Para EU resulta unha evidencia que axilizar as causas xudiciais e combater a corrupción investigada polos xulgados lucenses require contar con máis medios. Por contra, segundo denuncia o responsable de política local de EU, Carlos Portomeñe, o PP a través da Xunta de Galicia "somete ao Xulgado nº1 a un estrangulamento premeditado e alevoso para matar por asfixia as operacións en marcha", sempre "cunha finalidade estrictamente política".

Unha obstrución da que sae beneficiado o propio bipartidismo, sinala Portomeñe, "cuxo obxectivo é unha lei de punto final non escrita". Nas causas abertas no Xulgado nº1 existen decenas de imputados por corrupción pertencentes ó PP e ó PSOE. No caso da operación Pokémon, ós alcaldes e concelleiros populares imputados en varios concellos galegos hai que sumar en Lugo a imputación do actual alcalde da cidade, López Orozco, e da súa man dereita no Concello desde 1999, Fernández Liñares. Pero o xulgado nº1 tamén desenvolve a chamada operación Galeón, na que se investiga a Gómez Besteiro, Presidente da Deputación de Lugo, como responsable da urbanización en O Garañón (no Parque Rosalía de Castro), e na que están imputados altos funcionarios do Concello de Lugo.

EU destaca que o PP presenta plans contra a corrupción de xeito propagandístico, mentras pola vía dos feitos obstrúe o labor da xustiza recortando os recursos humanos e materiais.

Neste sentido, o deputado de Alternativa Galega de Esquerda (AGE) e coordinador comarcal de EU Lugo, Ramón Vázquez, anunciou a presentación dunha iniciativa rexistrada hoxe no Parlamento de Galicia para evitar o desmantelamento do xulgado de instrución 1 de Lugo. A devandita iniciativa, presentada pola portavoz parlamentaria e cordinadora nacional de EU, Yolanda Díaz, e Ramón Vázquez, insta ó Goberno Galego a:

1.- Dirixirse ao Consello Xeral do Poder Xudicial a fin de nomear novamente un xuíz de reforzo para o xulgado nº1 de Lugo.

2.- Que cando esto suceda se complemente cun cadro de persoal equivalente a un xulgado de número, é dicir, tres xestores, tres tramitadores e un auxilio xudicial.

3.- Que en tanto non suceda, se repoña de inmediato a situación anterior, dirixíndose á Comisión Mixta e á Dirección Xeral a fin de que revogue a resolución de cese.

CD Lugo

EU VE INDICIOS DE PREVARICACIÓN NO PROCESO DE VENTA DE ACCIÓNS DO CD LUGO POR PARTE DA DEPUTACIÓN E O CONCELLO

Portomeñe esixe explicacións a Besteiro e Orozco sobre un suposto proxecto de cidade deportiva

 

EU considera que, tanto no proceso de compra de accións do CD Lugo por parte de Deputación e Concello como no proceso de venta, existen indicios suficientes como para falar dun presunto caso de prevaricación. "Todo o proceso está plagado de mentiras, irregularidades e chanchullos por parte do PSOE e do PP", sinalou Carlos Portomeñe, "desde o momento no que decidiron mercar as accións ata o momento da súa venda".

O CD Lugo viuse obrigado a suscribir un capital social de 3.031.490€ para converterse en S.A.D. en xuño de 2013 e así cumprir coa Lei do Deporte. Durante o proceso inicial de venta de accións, tanto a directiva do clube como a Deputación e o Concello manifestaron a súa pretendida aposta por favorecer aos pequenos accionistas e evitar que o clube pertencese a un único accionista maioritario. De feito, nos estatutos da sociedade enviados á CNMV reservouse o dereito a veto contra calqueira inversor que pretendese controlar a entidade. Ese foi o principal argumento esgrimido polo PSOE e o PP para xustificar a compra de accións pola Deputación e o Concello, das que adquiriron 900.000 € e 600.000 €, respectivamente. As dúas institucións financiaban novamente unha entidade deportiva privada con diñeiro público e entraban no seu consello de administración, a pesares de coincidir no tempo coa crise do CB Breogán e a polémica pola participación da Deputación como accionista maioritaria do clube de baloncesto.

O alcalde López Orozco e o clube afirmaron tamén que se crearía unha fundación como fórmula para devolver o diñeiro aportado polas institucións na compra de accións. Ademais, o convenio entre o Concello e a entidade aprobado en pleno aseguraba que os 600.000 € serían devoltos antes do 31 de decembro de 2013. Ningunha das opcións se materializou.

Un ano despois do acordo plenario, e coa presa das eleccións municipais de maio, Deputación e Concello decidiron desfacerse das 150.000 accións da súa propiedade nun suposto concurso previamente negociado. A venta realizouse a un so accionista que se converte en dono do clube ó xuntar o 58% das accións da entidade, despois dun proceso pragado de irregularidades e opacidade que incluíu o cambio de normas sobre a marcha, logo de ter declarado deserto o concurso por diferencias na forma de pago co empresario co que se pactara anteriormente a adxudicación. Resultado: en xuño de 2013 o clube pertencía á súa masa social; en febreiro de 2015 pertence a un empresario.

Portomeñe afirma que "primeiro debeu garantirse a participación dos socios/as na compra de accións que pertencían ás institucións públicas, porque en realidade eran propiedade de todos/as os/as lucenses". Para Portomeñe, a venta das accións encubre tres grandes mentiras á cidadanía: en primeiro lugar, " PSOE e PP aprobaron na Deputación e o Concello a adquisición das accións sabendo que o clube non devolvería os cartos no prazo estipulado". En segundo lugar, "non querían evitar a pertenencia do clube a un único propietario, porque estiveron negociando nesa liña e evitaron darlle opcións aos accionistas minoritarios". E por último, "non se van recuperar os cartos a curto prazo, porque se aceptou unha modalidade de pago fraccionado feita á medida dos empresarios que optaban á compra". 

Pero ademais, a compra vai acompañada dun suposto proxecto de cidade deportiva con sete campos de fútbol, unha zona de ocio e dúas piscinas. EU esixe que Besteiro e Orozco expliquen de inmediato en que consiste este proxecto, se contemplan a cesión de solo público e se pretenden financialo con diñeiro de todos/as os/as lucenses. Para Portomeñe, "estamos diante do típico proxecto especulativo anterior ó estoupido da burbuxa inmobiliariade, con Besteiro e Orozco ("os señores do ladrillo") de protagonistas, mais agora en plena crise económica e a tres meses das eleccións municipais".

ESQUERDA UNIDA LUGO DEMOSTRA O ENGANO SOBRE AS PROBAS CON DRONES PARA USO MILITAR NO AERODROMO DE ROZAS.

O Dron Atlante, desenvolto en Rozas, atópase xa en avanzado proceso de dotación de armamento.

EU-LUGO levará unha batería de iniciativas ao Parlamento Galego, Congreso dos Deputados, Parlamento Europeo e Concellos afectados, relacionadas coas mentiras ofrecidas dende o Ministerio de Defensa e o Goberno Galego.

O eurodeputado da Izquierda Plural, Javier Couso, o deputado e coordinador de EU Lugo Ramón Vázquez e a coordinadora nacional de EU e vicevoceira de AGE, Yolanda Díaz, ofreceron este venres unha roda de prensa en Lugo, na que denunciaron que a inversión de 10 millóns de euros anunciada por Feijóo no Debate do Estado da Nación, co que se pretende adaptar o aeródromo de Rozas nunha base de avións non tripulados, supón un paso adiante na conversión do aeródromo lucense nunha base para Drones de uso militar.

A roda de prensa comezou coa presentación de probas documentais na que representantes de AIRBUS DEFECE e da empresa de mísiles MBDA da multinacional EADS, recoñecen que o Dron Atlante, probado en Rozas, tratase dun UAV con fins militares en proceso avanzado de artillaxe ou dotación de armamento. Este recoñecemento manifesto demostra que, unha vez máis, tanto o INTA (Instituto de tecnoloxía aeronáutica de pendente do Ministerio de Defensa) a través do seu subdirector, o señor Bartolomé Marqués, como o Goberno  Galego do PP, a través do Presidente Feijoo, están a enganar burdamente a toda a cidadanía lucense e galega

A versión oficial ata o momento, tanto dos membros do INTA, como dos responsables do aeródromo e do Goberno Galego, insistía en publicitar o emprego de Rozas como base de probas para drones con fins civís, cando a realidade é que se están a poñer cartos públicos das galegas e galegos ó servizo das empresas privadas de armamento.

Ante esta situación, tanto Yolanda Díaz como Ramón Vázquez anunciaron que rexistrarán no Congreso dos Deputados, a través do Grupo da Izquierda Plural, unha Proposición non de Lei, pedindo o cese do subdirector xeral do INTA, Bartolomé Marqués, despois das reiteradas mentiras que o alto cargo do INTA proferiu nas súas visitas a Lugo, cheas de anuncios falsos e enganos.

Hai que recordar que despois dunha solicitude realizada por EU Lugo, o subdirector do INTA chegou a invitar por carta a membros desta organización para coñecer as probas realizadas en Rozas, pero pasado mais dun ano seguimos agardando a que esta visita se concrete.

Pola súa banda, o Grupo Parlamentar de Alternativa Galega de Esquerda, rexistrou una interpelación no Parlamento de Galicia, na que esixirán ao goberno de Feijóo información sobre as certificacións e autorizacións da Axencia Estatal de Seguridade Aérea e da súa homóloga europea para operar neste aeródromo con avións non tripulados, incluíndo os boletíns NOTAN requiridos para todo tipo de vos experimentais.

Por outra banda o eurodeputado do Grupo da Izquierda Europea, Javier Couso preguntará no Parlamento Europeo sobre o emprego de fondos europeos para gasto militar e o seu uso para sufragar probas con drones militares, despois de que o Goberno Galego recoñecese a súa intención de empregar recursos económicos da estratexia europea RIS3 para as obras no aeródromo de Rozas. Couso denunciou tamén na súa comparecencia, o emprego de diñeiro publico para beneficiar ás multinacionais do armamento, dentro de actuacións políticas enmarcadas no emprego das portas xiratorias, como é o caso do Ministro de Defensa, Pedro Morenés, antigo directivo da Empresa EADS de armamento, fabricante do Drone ATLANTE

Finalmente Esquerda Unida Lugo impulsará o debate de mocións nos Concellos afectados polas servidumes aeronáuticas de Rozas, nomeadamente os de Lugo, Cospeito, Pol, A Pastoriza, Castro de Rei e Outeiro de Rei, para que os plenos municipais dos mesmos soliciten información sobre as probas con drones realizadas e as previstas nun futuro, en canto as condicións de seguridade e os perigos que pode estar a padecer a veciñanza da comarca. É necesario recalcar que as probas con drones abarcarán un área equivalente a un triángulo de 120 quilómetros por lado entorno a Rozas.

visualiza o video da rolda de prensa pinchando neste enlace https://www.youtube.com/watch?v=XxmBRjZKqaA

ESQUERDA UNIDA CELEBRA O ACORDO ACADADO POLOS TRABALLADORES DE RECOLLIDA DO LIXO E O FINAL DA FOLGA

 EU celebra o acordo acadado entre os traballadores e a empresa Urbaser, así como a volta á normalidade na cidade despois dunha folga do lixo que deixará unha pegada imborrable na memoria do noso municipio. Unha folga de dous meses con importantes repercusións sociais, económicas e políticas que podería terse solucionado hai moito tempo de non ser pola actitude da empresa concesionaria e do goberno municipal, os principais responsables da situación xerada.

En primeiro lugar, EU felicita ós traballadores de Urbaser en Lugo polo éxito das súas reivindicacións. Sen dúbida, a súa mobilización terá importantes e positivas repercusións nas diferentes reivindicacións laborais no actual contexto de recortes de dereitos e políticas de axuste, non so en Lugo e Galicia, senón tamén en todo o estado. Neste sentido, a derrota dos traballadores nesta folga, ademáis da posible confirmación dos despidos e sancións, tería unhas consecuencias nefastas para o futuro dos convenios colectivos, punto clave da contrarreforma laboral do PP.
                                         

Por descontado, da folga do lixo poden extraerse moitas lecturas, pero EU desexa facer unha valoración centrada en catro aspectos:

- Desde un punto de vista laboral, é preciso destacar o comportamento da plantilla de Urbaser, da súa unidade e da súa convicción na loita polos seus dereitos laborais. Desde o primeiro momento, EU sostivo que a folga dos traballadores de Urbaser en Lugo excedía o ámbito local e se convertía nun referente fronte aos intereses dunha gran multinacional como ACS, símbolo do poder das empresas do IBEX 35. Os traballadores soportaron exemplarmente as

 acusacións de vagos, privilexiados, "enchufados" ou da suposta pretensión de querer ser funcionarios municipais pola porta de atrás. Acusacións sen fundamento manexadas desde os ámbitos políticos interesados na claudicación dos traballadores, que son as primeiras vítimas da súa propia protesta por perder moitos cartos descontados do seu xornal polos días de folga.

- Desde o aspecto político, a folga quedará como modelo de todo o que non debe facer un alcalde. O alcalde debeu exercer desde o primeiro momento como mediador do conflicto entre a empresa e os traballadores. Pola contra, estivo desaparecido nos primeiros días da folga -cruciais para a procura dunha solución- para pasar con posterioridade a un descarado posicionamento a favor da empresa concesionaria. Un comportamento adornado de declaracións altisonantes, xestos despectivos ós traballadores no Pleno, bravuconadas, fanfarronadas e promesas incumplidas. Un alcalde neoliberal que recorreu ao mesmo método que Ana Botella na folga do lixo de Madrid: traer traballadores foráneos, neste caso de Tragsa, para rebentar o dereito dos traballadores á folga.

- En canto ao aspecto empresarial, cabe destacar o comportamento vanidoso e despreciativo dunha empresa que en ningún momento tivo intención de ceder diante das xustas reivindicacións da plantilla, e que recorreu á represión despedindo e expedientando ós traballadores, ademáis de recurrir a prácticas ilegais traendo plantilla e material de fóra da cidade para a recollida do lixo. A empresa Urbaser, filial da multinacional ACS, cobra puntualmente un canon anual de preto de oito millóns de euros, incluíndo a actualización do IPC. E, sen embargo, pretendía establecer rebaixas nas condicións laborais da plantilla.

- E por último, pero sumamente importante, o exemplar comportamento da cidadanía de Lugo, que soportou as consecuencias derivadas dunha folga longa que afectou á súa economía, á súa vida cotián e mesmo á situación sanitaria da cidade. Unha cidadanía que, a pesar da confusión xerada por lecturas interesadas do conflicto, entendeu e foi comprensiva coas reivindicacións da plantilla.

Para EU, o conflicto do lixo en Lugo pon de manifesto a necesidade do rescate público das concesións privadas que prestan servizos municipais, especialmente de servizos tan esenciais e importantes para o municipio como a recollida do lixo, que nunca debera ter sido privatizado. Neste sentido, e despois dos despropósitos cometidos pola empresa Urbaser ao longo deste conflicto, EU faise a seguinte pregunta: ¿que ten que pasar para que o goberno remunicipalice un servizo?

En canto aos recibos do lixo, EU considera inaceptable que se cobre un servizo que non foi prestado por Urbaser, máxime cando existe un acordo plenario de reducción da tarifa. EU estudia a posibilidade  xurídica e práctica de chamar á insubmisión da cidadanía no abono do vindeiro recibo.
                                   
                                   "A única loita que se perde é a que se abandona"

 Consello local Esquerda Unida Lugo.

La Izquierda Plural protagoniza una protesta de solidaridad y apoyo a las mujeres ante el ataque que supone la reforma de la Ley del Aborto

Miércoles, 2 de julio de 2014

A iniciativa de la Izquierda Unitaria Europea/Izquierda Verde Nórdica (GUE/NGL), numerosas eurodiputadas y eurodiputados de diferentes grupos políticos de la eurocámara han mostrado hoy su rechazo al anteproyecto de ley del aborto del Gobierno del Estado español en una protesta simbólica a las puertas del hemiciclo promovida por el grupo GUE/NGL como continuidad del trabajo hecho en este tema en la anterior legislatura.

“La influencia de las fuerzas más reaccionarias y patriarcales de la Iglesia Católica sobre el gobierno están detrás de esta reforma de la ley del aborto que el Ejecutivo planea aprobar en estos días”, ha afirmado la eurodiputada de Izquierda Unida, Ángela Vallina, portavoz de la Izquierda Plural para temas de derechos de las mujeres e igualdad de género.

“La entrada en vigor de esta reforma –continuó Vallina- significará un claro paso atrás en los derechos de las mujeres,  retrotrayéndolas a los tiempos de la dictadura franquista ya que obligará a las mujeres empobrecidas o desempleadas a dar a luz o poner en peligro su vida con abortos ilegales clandestinos y, a las mujeres que puedan asumir el esfuerzo económico, a viajar al extranjero para ejercer su derecho al aborto legal”.

En enero pasado, al conocerse este proyecto de ley que ahora quiere aprobar definitivamente el Gobierno de Rajoy, Izquierda Unida puso en marcha una iniciativa europea, en forma de declaración de rechazo y solidaridad con las mujeres en el Estado español, que, a día de hoy, ha recogido ya el apoyo de cerca de 250 eurodiputadas y eurodiputados de la mayoría de los grupos políticos de la eurocámara –incluido el PPE-, representantes de la inmensa mayoría de los Estados miembros de la UE  y también de más de 200 representantes de parlamentos nacionales.

Más Fotos: https://www.flickr.com/photos/guengl/sets/72157645062891899/

ACS (Abusadores, Capitalistas e Sátrapas) En apoio aos traballadores de Urbaser en folga

Sinto recorrer a un xogo de palabras demasiado fácil pero, certamente, o conflito de Urbaser xa cheira. Despois de dezasete días de folga, do malestar cidadán por unha cidade inundada de lixo, da negativa da empresa a negociar, de resolucións xudiciais, de pasividade do alcalde, e mesmo do atropelo dunha delegada sindical, o que peor ule con diferenza é a propia empresa ACS (Actividades de Construción e Servizos) e a actitude do goberno municipal.
Efectivamente, a empresa Urbaser, filial de ACS, pasou da negativa a negociar á táctica do abuso, o atropelo e o despotismo co despedimento de 11 traballadores e a apertura de expedientes sancionadores a outros 66, feito coñecido en plena xuntanza co comité.
Pero, quen é ACS? Trátase dunha das grandes construtoras, responsables directas da burbulla especulativa que conduciu á actual crise económica. Xunto a outras construtoras como OHL, FCC, Sacyr ou Ferrovial, repártese o pastel dos servizos de recollida de limpezas en todo o estado. Ademais, pertence ao IBEX 35, o goberno na sombra que marca a política económica ao bipartidismo, impulsando as contrarreformas laborais ou os recortes aos traballadores, ademais de repartirse o substancioso negocio dos servizos públicos privatizados. ACS é, por exemplo, unha das empresas que aspira a competir con Renfe en transporte de viaxeiros en tren.
Malia a crenza popular, o presidente de ACS, Florentino Pérez, nunca foi máximo accionista da empresa, situación que alcanzou esta mesma semana. Ata hai só uns días, figuraban como accionistas maioritarios os descendentes de Juan March, coñecido no seu día como "o pirata do Mediterráneo" e principal costeador do golpe militar de 1936 e do bando fascista na guerra civil (calcúlase que lle dedicou mil millóns de pesetas, das da época). A familia March prepara a súa saída da construtora ACS, despois de sopesar arrebatar a presidencia a Florentino Pérez. O resto de socios do presidente queren cesalo pola súa nefasta xestión (malia un beneficio neto de 702 millóns en 2013, ACS ten unha débeda real próxima aos 10.000 millóns de euros), para o cal impuxeron un novo conselleiro delegado.
Por descontado, o presidente de ACS ten menos escrúpulos coas reivindicacións salariais dos futbolistas do Real Madrid que coas dos traballadores lucenses de Urbaser. O seu dianteiro estrela gaña 35,3 millóns de euros brutos, dos cales se leva 17 netos. O segundo mellor pagado gaña 22,8 millóns brutos e 11 netos por tempada. A plantilla completa lévase 200 millóns de euros brutos anualmente.
En Lugo, a empresa concesionaria de recollida lixos cobra puntualmente o incremento correspondente ao IPC anual, pero nega o devandito incremento salarial aos traballadores de Urbaser na nosa cidade. Que reacción tería a empresa se o Concello se negase a actualizar o canon cada ano?. A crise non pode ser a desculpa. Nunha escena da película Novecento, de Bernardo Bertolucci, o patrón diríxese aos braceiros para comunicarlles que tras a perda de parte da colleita polo temporal deberán cobrar a metade. Un dos traballadores espétalle unha verdade tallante: "Cando a colleita é dobre, non nos dá paga dobre".
En realidade, ACS non quere ceder ante os traballadores de Urbaser en Lugo porque teme claramente que o éxito das súas reivindicacións se estenda ao resto dos traballadores da empresa.
Por iso era urxente, necesaria e inaprazable a intervención do alcalde no conflito. Non obstante, o alcalde de Lugo, López Orozco, actuou coma se dun socio de ACS se tratase. Despois de usar durante varios días a táctica da avestruz, recorreu ao mesmo método que Ana Botella na folga do lixo de Madrid: traer traballadores foráneos, neste caso de Tragsa, para rebentar o dereito dos traballadores á folga; o vello recurso dos patróns do século XIX. Hai xa dez días que ameazou a empresa con romper o contrato con Urbaser se a dirección e o equipo non chegaban a un acordo sobre o novo convenio colectivo. Agora, con 11 traballadores despedidos e 66 expedientados non existen máis desculpas: o Concello debe actuar e recuperar un servizo público que nunca debeu ser privatizado. Rescisión de contrato, en termos futbolísticos, para facelo máis comprensible a don Florentino. Segundo as investigacións do xulgado n.º 1 de Lugo, Orozco dábase máis présa cando presuntamente enchufaba persoas na concesionaria de lixos que para defender os intereses do Concello, os traballadores e o resto da cidadanía.
Polos motivos expostos e por moitos outros, coa vitoria dos traballadores de Urbaser en Lugo, gañamos todos.

Carlos Portomeñe, de Esquerda Unida
                                        

ESQUERDA UNIDA LUGO ESIXE QUE A ABDICACIÓN DO REI ABRA UN PROCESO CONSTITUINTE CARA Ó RESTABLECEMENTO DA REPUBLICA.

EU-Lugo considera que a cidadanía non vai aturar un novo pacto para resucitar ó bipartidismo e á Coroa como piares dun rexime esgotado.

Esquerda Unida Lugo afirma que os últimos resultados electorais, onde o bipartidismo sofriu un duro embate, xunto cos escándalos de corrupción que afectan á Coroa, teñen provocado a abdicación do Rei, como estratexia para darlle un novo impulso a un réxime decadente e en descomposición.

Diante deste intento por someter á cidadania a unha Segunda Restauración Borbónica, Esquerda Unida considera que os dereitos de sucesión sanguíneos son incompatibles cunha democracia plena e avoga pola abolición dunha Monarquía anácrónica, como mecanismo para á construcción dun modelo de estado democrático, social e verdadeiramente representativo.

Por todo elo Esquerda Unida chama a cidadanía a participar nese novo proceso constituínte así como en todas as mobilizacións convocadas polo restablecemento da 3ª República previstas como a que terá lugar hoxe diante da Subdelegación do Goberno ás 20:00 convocada pola Xunta Republicana de Lugo

por un proceso constituínte cara a III República!

pola democracia real, non á monárquica!

Xoves Violeta

 

A Área de Muller de Esquerda Unida Lugo convídavos a participar no vindeiro 

 XOVES VIOLETA

Este xoves 27 de marzo, ás 20:00h. na Galería Sargadelos (Praza Santo Domingo, 4), queremos debatir con vós sobre Coeducación: educación para a igualdade. Que papel xogan a educación e o sistema educativo na perpetuación dos roles de xénero? Que é a coeducación?

 

Falaremos da alternativa feminista na educación con Branca Guerreiro, mestra e pedagoga que traballa actualmente como orientadora no CPI Dr. López Suárez de Friol. Foi responsable da Secretaría da Muller do STEG durante sete anos e da Organización de Mujeres de la Confederación de STEs durante tres. Tamén participou no movemento feminista en diversas organizacións.

 

EU CELEBRA A PARALIZACIÓN DO PROCESO DE PRIVATIZACIÓN DO CICLO DA AUGA
Considerámolo un éxito da presión sindical, política e social

Esquerda Unida celebra a paralización do proceso de creación dunha empresa mixta para o ciclo completo da auga, e considera a devandita paralización un éxito da presión sindical, política e social mantida nestes anos. Sen embargo, o Goberno municipal escúdase na nova Lei de Administración Local para xustificar a súa marcha atrás no proxecto, un argumento claramente absurdo. Neste sentido, hai que lembrar que Esquerda Unida desenvolveu nestes anos unha intensa campaña para evitar a privatización do servizo de augas, o servizo máis básico que pode prestar o noso Concello.

En EU seguimos defendendo que o mellor xeito de millorar o servizo de augas é garantir o seu carácter 100% público. Defendemos unha xestión sustentable, social e participativa do servizo de auga e o saneamento porque A AUGA É UN BEN PÚBLICO FUNDAMENTAL, NON UN NEGOCIO.

PSOE e BNG pactaron a creación dunha empresa mixta no acordo de goberno asinado en 2011. Sempre intentaron xustificar a empresa mixta negando que se tratase dunha privatización e mesmo chegaron a asegurar que se trataba dunha empresa pública cando se trataba dunha privatización en toda regra, idéntica ao modelo que pretendía Esperanza Aguirre en Madrid. Afortunadamente, tanto a proposta de Orozco como a de Aguirre seguiron o mesmo camiño: a paralización.

EU denuncia o cinismo do PP con respecto á empresa mixta. O partido das privatizacións, dos recortes e o "austericidio" defendeu a privatización total do ciclo da auga ata a actual lexislatura. Incluso chegou a defender a empresa mixta, diferindo unicamente do PSOE na porcentaxe de participación pública na empresa. Neste mandato opúxose á empresa mixta por simple tacticismo, cando sempre defendeu a concesión directa do servizo de augas, é dicir, a súa privatización pura e dura, perfectamente comprobable na hemeroteca.

O carácter impopular das privatizacións, intimamente relacionadas cos casos de corrupción, leva ao PP a xogar á ambigüedade, como neste caso, ou mesmo a pedir a remunicipalización de servizos que eles mesmos privatizaron. No colmo do cinismo, o PP pretende obviar que aprobou unha Lei de Reforma da Administración local que impulsa as privatizacións e obstaculiza claramente a posibilidade de remunicipalización de servizos nos concellos. Se pretende defender en serio os servizos públicos, Castiñeira debería pedir a baixa no seu partido.

En EU sempre insistimos en que a corrupción está intimamente relacionada coa privatización de servizos públicos básicos. Neste sentido, pode ser máis que unha coincidencia que o goberno renuncie á privatización do servizo de augas o mesmo día que se abre o secreto total do sumario da Operación Pokémon, tendo en conta que o xulgado nº1 requeriu do Concello toda a información sobre a empresa mixta. De feito, foi Fernández Liñares, o cabecilla da trama investigada, quen empezou as xestións para a creación da nova empresa na súa etapa como concelleiro, e finalmente tivo competencias vinculadas a este servizo como Presidente da Confederación Hidrográfica Miño-Sil.

EU permanecerá alerta para calquera intento de retomar a privatización deste servizo ou de calquera outro. Aproveitamos para reiterar a necesaria remunicipalización dos servizos externalizados e privatizados polos diferentes gobernos do Concello nos últimos anos, case medio centenar.

DEFENSA QUERE CONVERTIR O AERÓDROMO DAS ROZAS (LUGO) EN BASE DE ‘DRONES' COA COMPLICIDADE DA XUNTA

Alternativa Galega de Esquerda (AGE), esixe ao goberno galego toda a información sobre a solicitude de colaboración co Instituto Nacional de Técnica Aeronáutica (INTA) dependente do Ministerio de Defensa ante as informacións que apuntan a intención de establecer no aeródromo de Rozas en Outeiro de Rei unha das cinco bases de ‘Drones' que a OTAN ten previsto instalar en Europa. La viceportavoz de AGE Yolanda Díaz e o deputado Ramón Vázquez esixiron esta mañá en rolda de prensa a paralización inmediata das probas con este tipo de avións non tripulados e que se explique claramente á cidadanía cales son os fins contemplados polo Ministerio de Defensa para o aeródromo de Rozas en Lugo.

Ao longo destes anos numerosas fontes situaban a Galicia como o lugar escollido para establecer unha das cinco bases de ‘Drones' que a OTAN ten previsto instalar en Europa. Nun primeiro momento todo parecía apuntar a que sería a zona de Trasmiras en Ourense a elixida para establecer a mencionada base de ‘Drones' por reunir os requisitos necesarios, mais axiña se empezou a falar de Lugo e o Aeródromo de Rozas en Outeiro de Rei como outra das opcións viables para o establecemento da base internacional de ‘Drones', eufemisticamente chamados avións non tripulados, á vez que quedaba evidenciada a paralización do proxecto de Trasmiras.

En marzo de 2011 facíase público o establecemento dun programa de avións non tripulados no aeródromo de Rozas para a investigación, desenvolvemento de proxectos e divulgación no campo da aeronáutica, a través dun convenio co Instituto Nacional de Técnica Aeronáutica (INTA) dependente do Ministerio de Defensa. Participaron na xestación de dito convenio o Goberno Central, a Deputación Provincial de Lugo, o Concello de Castro de Rei e o Real Aeroclube de Lugo. Dito convenio terá unha duración prorrogable de 10 anos. Nesas datas confirmábase así mesmo o inicio das probas por parte do Ministerio de Defensa para empregar o Aeródromo de Rozas como base de avións espía do programa da multinacional AEDS, unha das mais importantes en venda de armamento militar a nivel mundial. no mes de xullo de 2012, producíase a visita do Xeneral de División Ignacio Azqueta e o Subdirector Xeral de Experimentación e certificación do INTA, Bartolomé Marqués ao aeródromo de Rozas. Ambos recoñecían a realización de probas con avións non tripulados e o inicio de obras de adaptación no Aeródromo Lucense para estes fins. Marqués e Azqueta declararon ademais, que Lugo podería ser unha das cinco bases de probas que os Estados Unidos tiña previsto instalar en Europa e poñer en marcha antes do 2015. Os pasado mes de febreiro de 2013 levantou o voo en Rozas o ‘ATLANTE', un avión non tripulado fabricado pola Empresa Cassidian, pertencente a multinacional EADS, o consorcio europeo líder mundial en venda de armamento, da que fora directivo o actual Ministro de Defensa, Pedro Morenés, e no que o ex ministro do PP, Joseph Piqué, ocupa un posto no consello de administración.

A viceportavoz de AGE, Yolanda Díaz, destacou na rolda de prensa que "estamos pois diante dun avión non tripulado dos chamado "Dron", tristemente celebres por practicar masacres e asasinatos a civís e militares nos principais escenarios de guerra do planeta acabando coa vida de milleiros de vítimas cada ano e que actúan impunemente en países como Pakistan, Yemen, Irak, Somalia, Afganistan ou Palestina". Por estes e outros motivos as bases de ‘Drons' son ademais destacados obxectivos militares e terroristas polo seu alto valor militar e estratéxico o que supón un risco mais que evidente para a cidadanía que se atope na súa contorna.

O INTA ven de anunciar un convenio coa Xunta de Galicia para establecer o perímetro e cercar o aeródromo de Rozas, mellorar a Torre de Control, construír un novo hangar e instalar un sistema de seguridade aérea para detectar aparatos en voo, dentro do programa para o establecemento da base de probas para Rons permanente que o Instituto Nacional de Tecnoloxía Aeronáutica ten previsto para as instalacións Lucenses. Ante isto, o grupo parlamentar de AGE presentou unha Proposición non de Lei para o seu debate no pleno no que se pide toda a información relativa a este convenio así como que se aclaren cales son os fins contemplados polo Ministerio para o aeródromo de Rozas en Lugo e a inmediata paralización de probas con ‘Drones'.

A viceportavoz de AGE e o deputado Ramón Vázquez sinalaron que xa está solicitada no Congreso, a través da Izquierda Plural, a comparecencia do Ministro de Defensa, Pedro Morenés, para que aclare todo o relativo as obras e as intencións do seu departamento no aeródromo de Lugo, petición que a día de hoxe non obtivo resposta o mesmo que as distintas preguntas presentadas ao respecto.

Xoves violeta

 

ISABEL VILALBA (SLG) NO XOVES VIOLETA

O xoves 30 de xaneiro, ás 20:00h. na Galería Sargadelos (Praza Santo Domingo, 4), queremos debatir con vós sobre A Muller no Rural. Trataremos o papel das mulleres e traballadoras do rural galego nun momento de crise onde se acentúa a invisibilización do seu traballo e a súa importancia para o mantemento das poboacións rurais e o sistema produtivo en Galicia.

Contaremos coa presenza de Isabel Vilalba, gandeira e Secretaria Xeral do Sindicato Labrego Galego (SLG), nativa de Lourenzá (Lugo). Anteriormente foi responsable da Secretaría de Mulleres do SLG e forma parte da directiva da Coordinadora Europea de Vía Campesiña. Con ela falaremos dalgunhas das cuestións clave para comprender a situación das mulleres rurais na actualidade.

Esperámosvos a todas e a todos!