Por unha banca pública

EU ESIXE UNHA BANCA PÚBLICA
SE FOI SOSTIDO CON CARTOS PÚBLICOS NOVAGALICIA BANCO É NOSO E NON DA BANCA PRIVADA

 

Esquerda Unida Lugo saiu á rúa para esixir unha banca pública real, que recupere as vellas ideas do banco de crédito local, agrogandeiro, industrial e mesmo de crédito oficial, figuras hoxe extintas dentro da venta de Argentaria ao BBVA. Unha banca pública que financie os nosos asteleiros, a nosa industria, as PEMES, os nosos concellos, e ter un instrumento que convirta o esforzo de todos e todas en futuro.

Desde que comezou a crise, Bancos e Caixas recibiron máis de 180.000 millóns de euros en axudas directas.

En Galicia a suposta COMISIÓN DE INVESTIGACIÓN DAS CAIXAS do Parlamento Galego está amosando ante os galegos e as galegas con extrema crudeza a magnitude do ROUBO das Caixas de Aforros de Galicia. Unha comisión manipulada dende o inicio e con limitacións en canto ao acceso e difusión democrática da información sobre os procesos de bancarización e fusión das dúas caixas galegas.

Mediante este proceso de privatización e bancarización das Caixas de Aforro, seguidas despois da súa intervención a través dos mecanismos financeiros públicos, transferíronse enormes cantidades de diñeiro público do estado español e europeo ás institucións financeiras privadas e privatizadas.

Este proceso de bancarización empezara xa moito antes, a partir de mediados dos anos 90, canto os gorentosos depósitos bancarios de aforristas (case o 50% do total dos aforros galegos), empezaron a ser empregados en operacións especulativas no ladrillo e en productos financeiros de dudosa transparencia como as participacións preferentes e subordinadas. Pero a partir de 2009 a crise fixo que todo estoupara....

En outubro de 2011, a entidade xurdida da fusión de CAIXANOVA e CAIXAGALICIA, chamada NOVACAIXAGALICIA, ante os graves problemas de capital, é intervida polo Estado mediante o FONDO DE REESTRUCTURACIÓN ORDENADA DA BANCA (FROB) que aportou 2.465 millóns de euros controlando o 92% da entidade.

Practicamente un ano despois, o FROB inxectou 5.425 millóns de euros de axudas procedentes do Mecanismo Europeo de Estabilidade (MEDE)

Estamos a falar de máis de 7.800 millóns de euros nesa altura, a data de hoxe máis de 9.000 millóns e que chegarían aos 10.800 millóns en 2014 segundo Oliver Wyman, a consultora contratada polo goberno para evaluar as necesidades de capitalización da Banca Española.

¿QUE VAI PASAR AGORA?

O que temos agora con NOVAGALICIA Banco é un Banco formalmente público que o goberno central, a través do FROB pretende vender á banca o resultado de todos estes procesos de fusión, intervención e vergoñenta inxección de diñeiro público. Unha venta que inclúe o patrimonio das antigas caixas, o que queda da extinta Obra Social, e o futuro de miles de postos de traballo no sector financeiro galego.

É o momento de convertir NOVAGALICIA BANCO nun BANCO PÚBLICO REAL que recupere as vellas ideas de banco de crédito local, agrogandeiro, industrial e mesmo de crédito oficial, figuras hoxe extintas dentro da venta de Argentaria ao BBVA.

Ter un BANCO PÚBLICO que finance aos nosos asteleiros, á nosa industria, aos nosos concellos, e ter un instrumento que convirta o esforzo de todos e todas en FUTURO.

Ter un BANCO PÚBLICO con control do Parlamento de Galicia que evite o escurantismo que derivou nesta situación actual que hoxe expresa a comisión das caixas do Parlamento Galego.

Ter un BANCO PÚBLICO que recupere a OBRA SOCIAL e o concepto de reinversión na economía produtiva, na cultura, na sanidade, na educación o beneficio financeiro.

Ter un BANCO PÚBLICO para Galicia e para os galegos e galegas.

QUEREMOS BANCA PÚBLICA

QUEREMOS FUTURO

http://esquerdaunida.org/images/pdf/0048466%20-%20esquerda%20unida%20-%20diptico.pdf