ESQUERDA UNIDA ESIXE QUE SE DOTE DUN PASO DE PEÓNS Á GLORIETA DO PALOMAR DIANTE DAS SITUCIÓNS DE RISCO QUE SE PRODUCEN DE COTÍO

Imaxe das persoas obrigadas a cruzar pola estrada sen sinalizar

O número cada vez maior de persoas que acceden a pe o estadio Anxo Carro dende a Rúa Varela España, a Avenida Marqués de Ombreiro e dende o barrio da Cheda,  fai que se estean a producir situacións de risco no cruce que se sitúa na confluencia das diferentes rúas coa rotonda do Palomar.

O feito de que o paso de peóns existente este incompleto e que non permita mais que cruzar de xeito parcial a calzada, obriga ós peóns a asumir uns riscos que se ven incrementados os días en que as ringleiras de vehículos acoden aos partidos do Clube Deportivo Lugo.

Hai que salientar que dende que foron instaladas as barreiras de seguridade na Nacional VI polo Ministerio de Fomento, a zona sinalada é o paso obrigado para a maior parte dos peóns que acceden dende a cidade a pe ó Estadio Anxo Carro pero tamén para as persoas que acceden ao Barrio da Ponte, ó Clube Fluvial e ó centro comercial. Trátase pois dunha zona cun importante tránsito de persoas que esixe que se corrixa esta importante eiva nas medidas básicas de seguridade vial, así como as medidas de accesibilidade universal para as persoas con mobilidade reducida.

Os coches aparcados nas medianas e a falla de accesibilidade complican a seguridade